پارێزگهرێ دهوكێ سهرپهرشتیا
هاتیه بلاڤکرن روژا دوو شهمبێ, 15 ئهیلول 2014 - 6:43pm
ئهڤرو نیڤرو 15-9-2014 بهرێز فهرهاد ئهتروشى پارێزگهرێ دهوكێ ل رێڤهبهریا گشتى یا ساخلهمیا دهوكێ سهرپهرشتیا كومبونهكا بهرفرهه یا لیژنا خوپاراستن و كونترولكرنا كولێرایێ ل پارێزگهها دهوكێ كر ,
دكومبونێ دا بهراهیێ دكتزر نزار عسمهت رێڤهبهرێ گشتى یێ ساخلهمیا پارێزگهها دهوكێ كورتیهك دا سهر ئارمانجا كومبونێ و بهرنامێ بو هاتیه دانان ,
دیڤدا پارێزگهرێ دهوكێ دیار كر كو ئهف لیژنه ل پارێزگهها دهوكێ سالانه دكارى دا یه بو خوپاراستن و كونترول كرنا ئێشا كولێرایێ لێ ئهف ساله پێدڤیه بزاڤ و كارێ ڤێ لژنێ یێ بهرفرههتر بیت و باشتر رولێ خو بگێریت ژبهر هاتنا ئاوارا بو پارێزگههێ ,
و گوت : بابهتێ ساخلهمیێ گهلهك گرنگه ژبهر كو ژیانا مروڤان پێڤه گرێدایه و ههروهسا ژلایێ ئابورى و جڤاكى ژى ڤه كارتێكرنێن خو ههنه و كهسێ نهساخ نهشێت باش هزر بكهت و بهرههم دار نابیت , لهوما پێدڤیه ئهف لژنه بزاڤێ بكهت نههێلیت ئهف ئێشه بهربهلاف ببیت و ههمى رێكا بگریته بهر بو كونترول كرن و خوپاراستنێ ژڤێ ئیشا ڤهگر و دیار كر كو رولێ رێڤهبهریێن دى بهرى یێ ساخلهمیێ دهێت وهكو ئاڤ و باژێرڤانى و ئاڤ رێژ ژبهركو بهراهیێ پێدڤیه خوپاراستنهكا باش بهێته كرن و ههكه خودێ نهكهت هات ژنوى ساخلهمى دێ رولێ چارهسهریێ گێریت , و گوت : دڤێت رێڤهبهریێن ئاڤ و ئاڤرێژا بزاڤێن باش و خورت بكهن بوهندێ نههێلن ئهف ئێشه پهیدا ببیت و بهلاڤ ببیت و ڤى بابهتى پهیوهندیهكا ئێكسهر ب ئاڤێ ڤه ههیه پێدڤیه دهزگایێن پهیوهندیدار باشتر رولێ خو بگێرن و ئهم وهكو پارێزگهه دبهرههڤین ب رههمى شیانا هاریكار بین بو ههر پێدڤیهكا فهر و پهیوهندى ب ڤى بابهتى ڤه ههبیت ,
دیڤدا دكتور نزار عسمهت رێڤهبهرێ گشتى یێ ساخلهمیێ ل پارێزگهها دهوكێ ب كورتى ئاماژه كره وان كومبون و بزاڤێن بهرى نوكه هاتینه كرن بو هندێ كو جهێ ئاكنجیبونا ئاوارا بهێته پاقژ كرن و ئاڤا ڤهخوارنێ یا پاقژ بهێته بهرههف كرن بو ئاواران ههروهسا جهێن تایبهت بو دهست شویا و سهرشوا ههبیت و رهوشىنبیریهكا باش بو خهلكێ پهیدا بكهن دبیاڤێ خو پاراستنێ دا ,
دیڤدا دكتور محمد امین ل پشكا خوپاراستنێ ب كورتى بهحسێ زك چونێ و داتایێن هاتینه تومار كرن ل سهر بابهتێ كولێریێ و ئامارێن ههفتیانه دیار كرن ل سهر بابهتى ,
ههر دكومبونێ دا بهحسێ پلانا نیشتمانى هاته كرن یا سالانه بو خوپاراستنێ ژ ئێشێن ڤهگر و دیار كرن كو ب شهش خالا ئهف ستراتیژیه هاتیه دانان و برێڤه دبهن ,,,
پاشى ههر رێڤهبهلایهكێ جودا بهحسێ كارێ خو كر بو هندێ ئهف بابهتێ گرنگ بهێته كونترول كرن و بابهتێ خوپاراستنێ بهێته خورتكرن وههمى پێكڤه كار بكهن داكو ئهف وهرزێ بهلاڤ بونا كولێرایێ ب سهلامهتى دهرباز ببیت .