ساخله‌میێ 11 جهـێن خه‌مسار دائێخستن و سزادان
هاتیه بلاڤکرن روژا جارشه‌مبێ, 17 ئه‌یلول 2014 - 9:17am
ژ ئه‌گه‌رێ نه‌پێگیریكرنا وان ب رێنۆمایێن ساخله‌میێ و نه به‌رچاڤ وه‌رگرتنا ساخله‌مییا گشتییا وه‌لاتیان، تیمێن زێره‌ڤانییا ساخله‌میێ 11 جهێن گشتی گرتن و سزادان.
عسمه‌ت سه‌لمان به‌رپرسێ پشكا زێره‌ڤانیێ ل رێڤه‌به‌رییا كاروبارێن خۆپاراستنا ساخله‌میێ ل پارێزگه‌ها دهۆكێ دیاركر، ژ ئه‌نجامێن سه‌ردانێن رۆژانه یێن تیمێن زێره‌ڤانییا ساخله‌میێ ، تیمێن وان كارین د ماوه‌یێ 10 رۆژێن بۆریدا هه‌شت جهان ژ جوانكاری، ماركێت، ئۆتێل، یانه، كارگه‌هـ و خوارنگه‌هان ب گۆژمه‌كێ پاره‌یی سزابده‌ن هوشدارییا سه‌رپێچیێ بده‌نێ كو دوباره نه‌بیته ڤه و3 یێن دی ژی بۆ ماوه‌یێ چه‌ند رۆژان هاتنه دائێخستن.
هه‌روه‌سا گۆت: ئه‌و جهێن هاتینه دائێخستن پشتی سزایێ وی ب دوماهی بهێت و تا ئه‌و رێنۆمایێن ساخله‌میێ بجهـ نه‌ئینیت جهێ وی ناهێته ڤه‌كرن .
ناڤهاتی ته‌ئكید ل وێ چه‌ندێ كر كو وه‌لاتی و خودانێن جهێن گشتی زێده‌تر هایداری رێنۆمایێن ساخله‌میێ بن بتایبه‌ت ژی د وه‌رزێ هاڤینێ دا، داكو چو نه‌خۆشیێن مه‌ترسیدار ل پارێزگه‌ها دهۆكێ په‌یدا نه‌بن.
ئه‌ڤ مالپه‌ره فرێکه
