هولا زاكبوونێ ل كه‌مپا دومیز هاته ڤه‌كرن
هاتیه بلاڤکرن روژا جارشه‌مبێ, 17 ئه‌یلول 2014 - 2:19pm
هولا زاكبوونێ ل كه‌مپا دومیز هاته ڤه‌كرن
پشتى كو بنگه‌هه‌كێ ساخله‌میێ ل كه‌مپێ هاتیه ڤه‌كرن دوهى 17/9/2014 ل كه‌مپا دومیز یا ئاواره‌یێن كوردێن رۆژئاڤا هوله‌كا تایبه‌ت یا زاروك بوونێ هاته ڤه‌كرن و هه‌تا نوكه 167 زاروك ل ڤى بنگه‌هى هاتینه سه‌ر دونیایێ كو هه‌مى ئاكنجیێ ڤه كه‌مپێ بووینه.
وارهێل نێروه‌یى
د.خلیل ئیسماعیل ، رێڤه‌به‌رێ بنگه‌هێ گوت: پشتى ئه‌ڤ بنگه‌هه بدوماهى هاتى مه ب فه‌ر زانى بكه‌ڤیته دكاری دا گوت ژى: ئه‌ڤ بنگه‌هه یێ تایبتمه‌نده ب چاڤدیریا ژنیێن دوو گیان و زاروكا كو هوله‌كا زاروكبونێ د ڤى بنگه‌هى دا ئاڤاكریه.
دیار كر ژى: ل ده‌ستپێكا هه‌یڤا ده‌رباز بووى ئه‌ڤ بنگه‌هه كه‌فتیه كارى و هه‌تا نوكه سه‌رجه‌مێ ژمارا زاروكێن ل ڤێره هاتینه سه‌ردونیایى 167 زاروك بووینه كو ئه‌ڤ زاروكه هه‌مى یێن ئاكنجێن كه‌مپێ بوون.
رێڤه‌به‌رێ بنگه‌هێ ئاشكراكر: هه‌مى ڤاكسین بو ده‌یك و زاروكا ل ڤى بنگه‌هى دهینه دانان,دگه‌ل به‌رنامێ وه‌رارا زاروكا و به‌ربه‌دخوراكیێ ژى , ئه‌و نوشدارێن لڤى بنگه‌هى كار دكه‌ت كوردێن روژئاڤانه و لێ كارگێرى ژ رێڤه‌به‌ریا ساخله‌میا دهوكێ و رێكخراوا ( msf) و ( woh)دهێنه رێڤه‌برن.
د. لما حازم ، به‌رپرسا به‌رنامێ ڤاكسیندانێ گوت: ئه‌ڤ پروژه یێ به‌رى سێ سالانه كو كار لسه‌ر هاتیه كرن و پلان بۆ هاتبوو دانان كو ئاكنجێن كه‌مپێ 13 هزار بون ده‌ما كومه‌لگه‌ه دگه‌هیته 18 هزار كه‌سا پێدڤیه جهێ زاروكبوونێ هه‌بیت, گوت ژى: ئه‌ڤ كاره یێ هاتیه ئه‌نجامدان ب هاریكاریا رێكخراوێن نوشدارێن بێ سنور و سندوكا ده‌راڤى یا تیڤ ده‌وله‌تى هه‌مى خزمه‌تێن زاروكبونێ ل ڤى بنگه‌هى دهینه ئه‌نجامدان .
د.مارگرێت شریف، رێكخراوا نوشدارێن بێ سنور دیار كر: ئه‌و گه‌له‌ك خوش حال بووینه كوئه‌زا كارى ل كوردستانێ دكه‌ن و ل ڤێره دژین , لڤێره من دڤێت بێژم كو خه‌لكێ ڤێره گه‌له‌ك حه‌زا وان لسه‌ر كارى هه‌یه و خزمه‌تا ملله‌تێ خو بكه‌ن.
سه‌باره‌ت ئاستێ نوشدار و كارمه‌ندێن ساخله‌میێ گوت: ل ڤێره كارێ نوشدار و كارمه‌ندێن ساخله‌میێ د ئاسته‌كێ بلند دایه و خزمه‌ته‌كا زور باش پێشكێشى خه‌لكى خوه دكه‌ن , ئه‌و ژى دیار كر: به‌رى ئه‌م كارى لڤێره ئه‌نجام بده‌ین ئه‌ز چومه نه‌خوشخانا ژن و زاروكبوونێ ل دهوكێ كو بارێ وێ نه‌خوشخانێ زور یێ گرانه و قه‌ره‌بالغه‌كا زوره وئه‌ڤ بنگه‌هه دێ بیته وه‌ك هاریكاریه‌ك و بارێ وێ نه‌خوشخانێ كێم بكه‌ت.
ئه‌ڤ مالپه‌ره فرێکه
