سەروکێ حکومەتا کوردستانێ دگەل ساخلەمیا دهوکێ کوومبو
حكومهتا ههرێما كوردستانێ دیف چونا كهرتێ ساخلهمیێ ل پارێزگهها دهوكێ دكهت
ئهڤرو بهرى نیڤرو 22/9/2014 بهرێز نێچیرڤان بارزانى سهروكێ حكومهتا ههرێما كوردستانێ ب ئامادهبونا قوباد تالهبانى جێگرێ سهروكێ وهزیرا و وهزیرێن پهیوهندیدار ب قهیرانا ئاوارێن سنورێ پارێزگهها دهوكێ دگهل بهرێز پارێزگهرێ دهوكێ و بهرپرسێن كهرتێ ساخلهمیێ ل سنورێ پارێزگهها دهوكێ كومبو ,
دهستپێكا كومبونێ بهرێز سهروكێ وهزیرێن حكومهتا ههرێما كوردستانێ ب ناڤێ خو و سهروكاتیا ئهنجومهنێ وهزیران سوپاسى و دهست خوشى ل ل بهرپرس و رێڤهبهرو كارمهندێن كهرتێ ساخلهمیێ ل پارێزگهها دهوكێ كر ژبهر وان خزمهتگوزاریێن ساخلهمیێ یێن رێك و پێك ئهوێن پێشكێش دكهن و سهركهفتیانه كارێ خو ئهنجام ددهن و ب شهڤ و روژ دكاریدانه بێخهمهت پێشكێشكرنا باشترین خزمهتگوزاریێن ساخلهمیێ بو وهلاتیان ,
دیڤدا رێڤهبهرێ ساخلهمیا دهوكێ راپورتىكا وێنهیى ل سهر كارو چالاكیێن كهرتێ ساخلهمیێ ل سنورێ پارێزگههێ پێشكێش كر , تێدا ئاماژه كره وان ئهرك و كارێن ساخلهمیێ كو ژدهستپێكا هاتنا ئاوارێن روژئاڤا بو دهڤهرێ دهستپێكریه و تا ئاوارێن شنگار و دهستا میسل و دهڤهرێن دى یێن ئێراقێ و ژبهر هژمارا زور یا ڤان ئاوارا ئهركێ ساخلهمیێ گهلهك گران بویه و چهند قاتى لێهاتیه و ئاماژه كره وێ چهندێ كو نوكه كهرتێ ساخلهمیێ ل دهوكێ خزمهتگوزاریێن ساخلهمیێ پێشكێشى 2 ملیون و 200 هزار كهسا دكهت ژبلى وان هخزمهتێن بو پێشمهرگهى ل بهروكێن شهرى و تیمێن گهروك و تیمێن ل كهمپا كار دكهن و ل ڤێ دیماهیێ ل چیایێ شنگارێ دههوارا وان ئاوارا ژى چبون ,
دیسان رێڤهبهرێ گشتى یێ ساخلهمیا دهوكێ بهحسێ پێدڤى و كێم و كاسیێن كهرتێ ساخلهمیێ دبیاڤێ نهخوشخانه و نوژدارا و بهرستیاران و ئهمبولانسا و تیمێن كارگێرى و برێڤهبرنێ كو ههمبهر ڤان خزمهتێن زێده یێن دهێنه پێشكێشكرن ,
ل دیماهیا كومبونێ بهرێز وهزیرێ ساخلهمیێ ههلسهنگاندهك بو كهرتێ ساخلهمیێ ل دهوكێ پێشكێشكر و بریار هاته دان كو لیستهك ب پێدڤیێن كهرتێ ساخلهمیێ بهێته بهرههفكرن و رهوانه كرن بو ئهنجومهنى وهزیران داكو دیف چون بریارێن پێدڤى ل سهر بهێنه دان .
ژلایێ خوڤه سهروكێ حكومهتا ههرێما كوردستانێ دوپاتكر كو دێ سهروبهرێ تایبهتێ كهرتێ ساخلهمیێ ل پارێزگهها دهوكێ ل بهرچاڤ هێته وهرگرتن و سوباسیا وهزیرێ ساخلهمیا ههرێمێ كر كو بهردهوام بزاڤێ دكهت ئاریشێن كهرتێ ساخلهمیا دهوكێ بهێنه چاره كرن .