سه‌نته‌رێ هه‌وارهاتنا بله‌ز زێده‌ترى هزار و 400 كه‌سان ڤه‌گوهاستینه بۆ نه‌خوشخانه‌یان
هاتیه بلاڤکرن روژا جارشه‌مبێ, 24 ئه‌یلول 2014 - 9:13am
سه‌نته‌رێ هه‌وارهاتنا بله‌ز زێده‌ترى هزار و 400 كه‌سان ڤه‌گوهاستینه بۆ نه‌خوشخانه‌یان
پشتى ئالوز بوونا ره‌وشا پارێزگه‌ها میسل و كاودانێن شنگال و زومار سه‌نته‌رێ هه‌وارهاتنا بله‌ز 122 هه‌تا نوكه زێده‌ترى 20 هزار كه‌س چاره‌سه‌ر كرینه و هزار و 400 كه‌س ژى ڤه‌گوهاستینه بۆ نه‌خوشخانه‌یێن سنورێ پارێزگه‌ها دهوكێ و پترى 25 تیمێن خوجهـ ژى هاتینه پێك ئینان.
وارهێل نێروه‌یى
هه‌یسه‌م عه‌بدى، رێڤه‌به‌رێ سه‌نته‌رێ 122 یێ هاوار هاتنا بله‌ز ل پارێزگه‌ها دهوكێ بۆ ئه‌ڤرو دیار كر: هه‌ر ژ ده‌ستپێكا تێكچوونا ره‌وشا پارێزگه‌ها میسل ل رێكه‌فتى 6/10/2014 ل روژا ئێكێ ل ده‌مژمیَِر پێنجێ سپێدێ ئه‌م هاتینه ئاگه‌هداركرن كو خه‌لكه‌كێ زور یێ به‌ره‌ف زالگه‌هێن شێخان و به‌دریكێ وخالێن سنورى به‌رف دهوكێ دهێن،گوت ژى: پشتى نیڤ ده‌مژمێرێ 15 تیمێن هه‌وارهاتنا بله‌ز ل وان زالگه‌ها ئاماده‌كرن و 10 تیم ل ده‌ڤه‌را شێخان ژبو پێشوازیكرنا ئه‌وان ئاواره‌یا و نه‌خوشا هاتنه ته‌رخان كرن , لێ پشتى هینگێ ره‌وشا وان خراپتر لێ هات و ئه‌م نه‌چار بووین كو وان تیما خوجهـ بكه‌ین.
سه‌باه‌رت ب تیمێن هه‌وار هاتنێ گوت: "ل ده‌ستپێكا ڤان كاودانان دوو ترومبێلیت هه‌وار هاتنێ تنێ ب هه‌مى پێتڤیا چاره‌سه‌ریا ده‌ستپێكى هاتبوونه دانان ئه‌و ژى ل خالێن سنورى سحێلا ،ره‌بیعه ، كه‌سكێ ، سنونێ ،به‌دریكێ ، شه‌لالاتا و به‌رده‌ره‌ش بوون كو بو هه‌ر خاله‌كێ ل ده‌ستپێكێ دوو ئه‌مبلانس بوون لێ پشتى ره‌وش هاتیه گوهرین تیمێن مه هاتنه زێده‌كرن.
دیار كر: تیمێن خوجه نوكه 10 تیم ل ده‌ڤه‌را سحێلا و پێنج تیم به‌دریكى و چار تیم ل شێخان و دوو تیم ل تلسقوف ، چار تیم ل ده‌ڤه‌را كادیرانێ ئه‌ڤ تیمه بو ماوێ 24 ده‌مژمێرا د ئاماده باشیێ دانه , ژبلى كارێن چاره‌سه‌ریێ روژانه تیمێن مه یێن هاوارهانتا بله‌ز سه‌ره‌دانا ئاواره‌یێن ئاكنجى سنورێ پارێزگه‌ها دهوكێ دكه‌ن.
سه‌باره‌ت په‌یوه‌ندیا وان دگه‌ل هێزێن پێشمه‌رگه‌یى گوت: به‌رده‌وام مه په‌یوه‌ندیه‌كا باش دگه‌ل هه‌مى هێزێن پێشمه‌رگه‌یى هه‌بوویه وه‌ك پشته‌ڤانى و هه‌ماهه‌نگى دگه‌ل فه‌رمانده‌یا دهوك هه‌ر جهه‌كێ پێتڤى ب ترومبێلێن هه‌وار هاتنا 122 ببن ئه‌م تیمێ نخو بۆ وان پێشمه‌رگه‌یى زووترین ده‌م ره‌وانه دكه‌ین.
رێڤه‌به‌رێ سه‌نته‌رى هه‌وارهاتنێ ل دور ئاماران دیاركر: هه‌ر ژ ده‌ستپێكا ڤێ ره‌وشێ زێده‌تر 20 هزار كه‌سان ب رێكا ڤى سه‌نته‌رى چاره‌سه‌رى بۆ هاتینه كرن و نێزیكى هزار و 400 كه‌س هاتینه ڤه‌گوهاستن بو نه‌خوشخانیێن سنورێ پارێزگه‌ها دهوكێ و بو دابینكرنا ده‌رمان و هه‌مى پێدڤیێن سه‌نته‌رى ژى رێڤه‌به‌ریا گشتى ساخله‌میا پارێزگه‌ها دهوكێ به‌رده‌وام پشته‌ڤانیا مه كریه.
لدور گازنده‌یێن خه‌لكى گوت: پرانیا ترومبێلێن سه‌ر سه‌رنته‌رێ 122 ڤه 95% هه‌مى پێدڤى نوشدارى ژ ده‌رمان و چاره‌سه‌ریا ده‌ستپێكى دگه‌ل دا هه‌نه ولێ پشتى ڤان كاودانان جوره بارگرانیه‌ك كه‌فتیه لسه‌ر كه‌رتێ ساخله‌میێ ب گشتى و سه‌نته‌رێ مه ژى بێ به‌هر نه‌بوویه له‌ورا چه‌ندین ترومبێل ژ نه‌خوشخانه‌یان مه ئیناینه كو تایبه‌تمه‌ند نین بۆ هه‌وار هاتنێ له‌ورا كێماسى تێدا هه‌نه ،گوت ژى: چه‌ندین خولێن تایبه‌ت ژى بۆ ئامیرێ بێهن فره‌هیێ بۆ كارمه‌ندێن مه و شوفێران هاتینه ڤه‌كرن و پێدڤێن و نه‌خوشى و ئامیرێ بهێنڤره‌هیێ و شوڤێرى و كارمه‌ندێ ساخله‌میێ بو ڤان خولێن تایبه‌ت هاتینه ڤه‌كرن.
ل دوماهیێ ژى گوت: ئه‌ڤ سه‌نته‌ره تایبه‌تمه‌ندنین ب شه‌راڤه زوربه‌یا جاران ترومبێل و كارمه‌ندێن مه تووشى ئاریشا ببن ژبه‌ر نه‌بوونا پلانه‌كا رێك و پێك ژلایێ وه‌زاره‌تا پێشمه‌گه‌هى و وه‌زاره‌تا ساخله‌میێ ڤه یا ئه‌كتیڤ نینه كو ئه‌ڤ رێژا ترومبێلێن هه‌وارهاتنێ و ده‌رمان و پێدڤێن وه‌ك پێدڤى پارێزگه‌هێ نین، گوت ژى: داخازێ ژ حكومه‌تا هه‌رێمێ و وه‌زاره‌تا پێشمه‌رگه‌هى دكه‌ن كو نه‌خوشخانه یان سه‌نته‌ركێ تایبه‌ت بو پێشمه‌رگه‌یى دامه‌زرێنن و خولێن تایبه‌ت بو هێزێن له‌شكه‌رى ل دور ساخله‌میێ بهێنه ڤه‌كرن و پێدڤێن نوشدارى و ده‌رمانا بو بهێنه دابینكرن.
ئه‌ڤ مالپه‌ره فرێکه
