فرێكرنا ده‌رمانان ژ لایێ كومپانیا دینك فارما یا ئه‌لمانى بو په‌نابه‌ران
هاتیه بلاڤکرن روژا ئێک شه‌مبێ, 28 ئه‌یلول 2014 - 3:44pm
بشتى رویدانێن ل شنگالێ و زومار رویداین وخه‌لكه‌كێ زۆر ده‌ربه‌ده‌ربوین ، وه‌كیلین كومپانیێن ده‌رڤه پێدڤى زانى داخازێ ژ كومپانیێن ده‌رڤه بكه‌ن ده‌رمانان بو په‌نابه‌را فرێكه‌ن كومپانیا دینك فارما یا ئه‌لمانى بهایێ 125 هزار دولاران ده‌رمان بو په‌نابه‌رێن هه‌رێما كوردستانێ فرێكرن .
دهوك ، ره‌ڤین سالح لاوه‌ند :
محه‌مه‌د یوسف رێڤه‌به‌رێ كومپانیا زاویته فارما یا ده‌رمانا و پێدڤیێن نوژداران ل دهوكێ دیاركر كو بشتى رویدانێن ل شنگالێ و ده‌شتا نه‌ینه‌وا و زومار رویداین وخه‌لكه‌كێ زۆر ده‌ربه‌ده‌ربوین ، وه‌كیلین كومپانیێن ده‌رڤه پێدڤى زانى داخازێ ژ كومپانیێن ده‌رڤه بكه‌ن ده‌رمانان بو په‌نابه‌را فرێكه‌ن ، و گوت : ژ بو ڤێ ره‌وشێ پێدڤى زانى كو داخازێ ژ وان كومپانیا بكه‌ین یێن ئه‌م وه‌كیلێن وان كو زووترین ده‌م ده‌مارنان فریكه‌ن بو ڤان په‌نابه‌را ، ئێك ژوان كومپانیا دینك فارما یا ئه‌لمانى یه كو بله‌ز رابو ب فرێكرنا ده‌رمانا ب بهایێ 125 هزار دولاران ، و چه‌ندین كومپانێن دى یێن به‌رهه‌ڤیا خوه دكه‌ن بو فرێكرنا ده‌رمانان ، به‌رى هینگێ مه به‌شدارى یا كرى فرێكرنا ده‌رمانان ل په‌روكێن شه‌رى بو تیمێن نوژدارى ئه‌وێن ناڤ ئاواره‌یان .
نوژدار محه‌مه‌د عه‌لى سه‌روكێ سه‌ندیكا ده‌رمانسازا لقا دهوك خویاكر سوپاسیا كومپانیا دینك فارما دكه‌ن بو فرێكرنا ده‌رمانان بو په‌نابه‌را و گوت : وه‌كو یا دیارا ئه‌ڤ كومپانیه نه‌بتنێ گرنگى پێدانێ ده‌ته كارێ خوه‌یێ بازرگانى ، به‌لكو گرنگیێ دده‌ته كارێن مروڤایه‌تیێ ژى ، ئه‌ڤ كومیانێن بڤى ره‌نگى دیاربیت كو یا گرێدایه مافێن مروڤان ژى ڤه ، نه‌بتنێ یاگرێداى به‌رژه‌وندیێن ئابورى یه ، ژبه‌ركو رێڤه‌به‌ریا ساخله‌میێ بارگرانیه‌كا مزن كه‌فتیه ل سه‌رملى وان ، پێدڤییه كومپانى و هه‌رده‌رمانخانه‌ك یا به‌رهه‌ڤ بیت بو ڤان هاریكاریا .
ئه‌ڤ مالپه‌ره فرێکه
