پشتى جه‌ژنێ ده‌ست ب قه‌سته‌رێن بله‌ز بونه‌خوشان هێنه كرن
هاتیه بلاڤکرن روژا دوو شه‌مبێ, 29 ئه‌یلول 2014 - 9:35pm
ب ئاماده‌بونا د. نزار عسمه‌ت رێڤه‌به‌رێ گشتى یێ ساخله‌میا پارێزگه‌ها دهوكێ و چه‌ندین نوژدارو كارمه‌ندێن سه‌نته‌رێ نه‌خوشێن دلى رۆژا جیهانیا نه‌خوشێن دلى ساخكرن ، هه‌روه‌سان بڤێ هه‌لكه‌فتى چه‌ندین نوژدارو كارمه‌ندین سه‌نته‌رێ ئازادى یێ نشته‌رگه‌رى و نه‌خوشێن دلى رابون ب غاردانه‌كێ ژبو پشته‌ڤانیكرنا وان نه‌خوشێن دلى ، دپلانا سه‌نته‌رێ ناڤبرى دایه كو پشتى جه‌ژنا قوربانێ ده‌ست ب قه‌سته‌رێن بله‌ز بكه‌ن بو نه‌خوشان .
دهوك ، ره‌ڤین سالح لاوه‌ند :
د. نزار عسمه‌ت بڤێ هه‌لكه‌فتا رۆژا جیهانیا نه‌خوشێن دلى دیاركر كو ساخكرنا رۆژێن هوسا دبیته ئه‌گه‌ر ته‌خه‌كا زورا خه‌لكێ مه هایدارى ڤان جوره نه‌خوشیا بن ، و گوت : ئه‌ڤ نه‌خوشیه رۆژ بو رۆژ دزێده‌بونێ دایه ، ژ ئاكامێن ڤان نه‌خوشیا توشى جه‌لتا دلى دبن ، و هنده‌ك سه‌رباركێن نه‌چاڤه‌رێكرى دبیته ژده‌ست دانا گیانێ خوه ، سوپاس بو سه‌نته‌رێ دلى و هه‌مو تیمێن دگه‌ل كو ب ساخكرنا ڤێ رۆژێ رابوین ، و هه‌روه‌سان رێڤه‌به‌ریا كاروبارێن خوپاراستنێ بیرامه ل ڤان رۆژا دئینن ، هه‌ر رۆژه‌كا هوسا پتر رژدیێ ل سه‌ر ژیانه‌كا ساخله‌م دكه‌ین ، خارنا ساخله‌م و كرنا وه‌رزشێ دكه‌ین بوهندێ دیرى نه‌خوشێن دى بین .
د.فاروق ئسماعیل رێڤه‌به‌رێ سه‌نته‌رێ ئازادى یێ نشته‌رگه‌رى و نه‌خوشێن دلى خویاكر كو پێدڤییه خه‌لكێ مه پتر پێگریێ ب شیره‌تێن نوژداران بكه‌ن و گرنگیێ ب وه‌رزشێ بكه‌ن و گوت : سه‌نته‌رێ دلى ل سالا بورى پتر ژ 220 نشته‌رگه‌ریێن دلى ئه‌نجام داینه و 1800 قه‌سته‌رێن دلى ئه‌نجام داینه ، و د ئه‌ڤ ساله دا 122نشته‌رگه‌ریێن دلى ئه‌نجام داینه ، و دگه‌ل پێشكه‌فتنێ كو نشته‌رگه‌ریێن و قه‌سته‌رێن زارۆیان ژى ل ڤى سه‌نته‌رى هاتینه ئه‌نجام دان ، رێژا مرنێ ل ڤى سه‌نته‌رى 2% بویه ، به‌راوردى دگه‌ل سه‌نته‌رێن وه‌لاتێن پێشكه‌فتى بكه‌ین كو رێژا مرنێ ل نك وان 2هه‌تا 3% بویه ، هه‌روه‌سان دئه‌ڤ ساله‌دا پتر ژ 1300 قه‌سته‌رێن دلى ئه‌نجام داینه ، و رێژا مرنێ (ئێك و نیڤ ژسه‌دێ بویه ) ، دپلانا مه‌دا هه‌یه كو پشتى جه‌ژنا قوربانیا ده‌ست ب قه‌سته‌رێن بله‌ز بكه‌ین ، بو وان نه‌خوشێن توشى جه‌لتا دلى دبن یان به‌رى جه‌لتێ.
ئه‌ڤ مالپه‌ره فرێکه
