1999 زارۆ ژلایێ ئاوارانڤه ژدایكبووینه
هاتیه بلاڤکرن روژا سێ شه‌مبێ, 30 ئه‌یلول 2014 - 10:44pm
1999 زارۆ ژلایێ ئاوارانڤه ژدایكبووینه
ل رۆژانێن جه‌ژنێ ژى بنگه‌هێن ساخله‌میێ ل ده‌ڤه‌رێن ئاواره‌یان دێ 24 ده‌مژمێرا دڤه‌كرى بن
ل دور پلانا ساخله‌میێ بو روژێن جه‌ژنا قوربانیا و هه‌روه‌سان ره‌وشا ئاواره‌یان حمزه ره‌زیكى رێڤه‌به‌رێ راگه‌هاندنا ساخله‌میا گشتى یا پارێزگه‌ها دهوكێ دپرێس كونفرانسه‌كێ روژنامه‌ڤانى دا دیاركر كو پلانا وان بو رۆژێن جه‌ژنێ دێ پتر ژ حه‌فتیه‌كێ ڤه‌كێشت، ژ به‌ركو ئه‌ڤ پلانه ل سه‌ر چه‌ند ئاستا هاتیه دارێشتن.
حمزه ره‌زیكى، به‌رپرسێ راگه‌هاندنا رێڤه‌به‌ریا گشتى ساخله‌میا پارێزگه‌ها دهوكێ دپرێس كونفرانسه‌كێ روژنامه‌ڤانى دا دیاركر كو پلانا وان بو رۆژێن جه‌ژنێ دێ پتر ژ حه‌فتیه‌كێ ڤه‌كێشت، و گۆت: پلانا مه ل سه‌ر چه‌ند ئاستا هاتیه دارێشتن، ئاستێ ئیكێ پشته‌ڤانیا پێشمه‌رگه‌ى كو هه‌موو میحوه‌رێن شه‌رى دێ مه تێمێن ساخله‌میێ بو ده‌مێ 24 ده‌مژمێران هه‌بن، دیسان ده‌رباره‌ى خزمه‌تكرنا ئاواره‌یان به‌رپرسێ راگه‌هاندنا ساخله‌میا دهوكێ دبێژیت : ئه‌و جهێن ئاواره لێ ئاكنجى بوین ، تایبه‌ت قه‌زا سێمێل و شاریا و خانكێ بنگه‌هێن مه‌یێن ساخله‌میێ بو ده‌مێ 24 ده‌مژمێران دێ ل ڤان جهان ئاماده‌بن و دخزمه‌تا ئاواره‌یان دابن.
به‌رپرسێ راگه‌هاندنا ساخله‌میا دهوكێ خویاكر ژى كو هه‌موو ده‌زگه‌هێن وان یێن ساخله‌میێ تایبه‌ت ئه‌وێن پشكێن ته‌نگاڤیا لێ هه‌بن 24 ده‌مژمێران دێ د ڤه‌كرى بن، و گۆت: وه‌كو نه‌خوشخانا ته‌نگاڤیا و نه‌خوشخانا ئازادى و نه‌خوشخانا سوتنێ دیسان نه‌خوشخانا چاڤا هه‌روه‌سان نه‌خوشخانا ئافره‌ت و زارۆبوونێ و دگه‌ل نه‌خوشخانا هیڤى یا زارۆیان دیسان ل قه‌زایان ژى دێ نه‌خوشخانێن مه 24 ده‌مژمێران دڤه‌كرى بن. و ل گه‌ل ڤێ چه‌ندێ خزمه‌تا 122 دێ به‌رده‌وام دكارى دا بیت و ل ده‌مێ روودانان خه‌لك دشێن په‌یوه‌ندیێ ل گه‌ل بكه‌ن.
به‌رپرسێ راگه‌هاندنا ساخله‌میا دهوكێ دیاركر كو ژلایێ خوپاراستنێ ڤه ل رۆژانێن جه‌ژنێ و بێهێن ڤه‌دانێ دا چار تیمێن خوپاراستنێ رۆژانه دێ گه‌رن هه‌روه‌سان شه‌ش تیمێن زێره‌ڤانیا ساخله‌میێ رۆژانه ل قه‌زایان دێ گه‌رن ل هه‌موو جهێن گشتى ئه‌وێن دكه‌ڤنه ژێر كونترولا ساخله‌میێ .
ل دۆر ئامارێن به‌رده‌ست ده‌رباره‌ى ره‌وشا ساخله‌میا په‌نابه‌ران، به‌رپرسێ راگه‌هاندنا ساخله‌میا دهوكێ دیاركر ژ رۆژا 1/8/2014 هه‌تا نوكه هژمارا نه‌خوشێن هاتینه چاره‌سه‌ركرن ژ لایێ هه‌موو تیمێن مه 368392 نه‌خوش بووینه، هه‌روه‌سان 8347 نه‌خوش ل ده‌زگه‌هێن ساخله‌میێ هاتینه نڤاندن، 1076 نشته‌رگه‌رى بو ئاواره‌یان هاتینه‌كرن.
به‌رپرسێراگه‌هاندنا ساخله‌میا دهوكێ دیاركر ژى كو 1999 زارۆ ژلایێ ئاواره‌یانڤه ل دهۆكێ ژدایك بووینه و ئه‌و نه‌خوشێن ئاواره یێن گیانێ خوه ژده‌ست داین هه‌تا نوكه 112 نه‌خوش بووینه و گۆت: ل دووڤ پیڤه‌رێن رێكخراوا ساخله‌میا جیهانى وه‌سا دیاربیت كو هه‌كه 0,1% هه‌ر نه‌خوشه‌كێ ئاواره ل هه‌ر رۆژه‌كێ دا گیانێ خوه ژده‌ست بده‌ن وه‌كو پێڤه‌ره‌كێ جیهانى دهێته نیاسین، ئه‌گه‌ر ئه‌م ڤان 112 نه‌خوشێن گیانێ خوه ژده‌ست داین یێن ئاواره بووین، دابه‌ش بكه‌ین ل سه‌ر وان ئاواره‌یێن پارێزگه‌ها دهوكێ ئاكنجى بوین وه‌سا بومه دیار بیت كو 0,024% گیانێ خوه ژ ده‌ست داینه و ب ڤێ چه‌ندێ دیاردبیت تا راده‌یه‌كێ باش ساخله‌میا وان هاتیه كونترۆلكرن.
ل دووماهیێ ژى دیاركر كو سه‌ره‌راى كارێن چاره‌سه‌ریێ چه‌ندین خزمه‌تێن خوپاراستنێ بۆ هاتینه ئه‌نجامدان وه‌كو ڤاكسیندان و هنارتنا تیمێن ره‌وشه‌نبیرى و هشیاریا ساخله‌میێ بۆ ناڤ ئاوه‌ره‌یان.
ئه‌ڤ مالپه‌ره فرێکه
