سهنتهرهكێ ساخلهمیێ ل كهمپا بێرسڤا دو بۆ ئاوارهیان دێ هێته چێكرن
ب ههڤكاریا رێڤهبهریا گشتى یا ساخلهمیا پارێزگهها دهوكێ ئیمزاكرنا گرێبهستهكێ دگهل رێكخراوا (malteser interbational) یا نیڤ دهولهتى بۆ ئاڤاكرنا سهنتهرهكێ ساخلهمیێ ل كهمپا بێرسڤا دو ل زاخو ژبۆ دروستكرنا سهنتهرهكێ ساخلهمیێ.
د.نزار عصمهت، رێڤهبهرێ گشتیێ ساخلهمیا پارێزگهها دهۆكێ دیاركر كو سهرێ ههیڤا بهێت دێ كار لسهر هێته كرن و ههتا دووماهیا ههیڤا 12 دێ ب دوماهى دهێت و سهرێ سالا 2015 ئهڤ سهنتهره دێ كهڤیته كارى.
دیار كر ژى: ئهڤ سهنتهره پێك دهێت ژ 14 ژورا كو ب كابینێت دهێنه دروست كرن كو ژ چهندین ژورێن جودا ژبۆ ساخلهمیا دهستپێكى و ئافرهت و زاروكا و چاڤدێریا ئافرهتێن دوگیان تێدا دهێنه چارهسهر كرن.
رێڤهبهرێ گشتیێ ساخلهمیا پارێزگهها دهۆكێ ئهوژى دیاركر پشتى سهنتهر ب دوماهیك دهێت كارهكێ ههڤپشكه ژلایێ رێڤهبهریا گشتى ساخلهمیێ و رێكخراوا ناڤبرى ژبۆ دابینكرنا نوشدار و كارمهندێن ساخلهمیێ و دهرمانا دهێته كرن كو ههتا سالهكێ ئهڤ ههماههنگى یه دێ یا بهردهوام بیت و گۆت: ئهڤ سهنتهره بۆ ئاوارهیێن شنگال و زومار دهێته دروست كرن كو ئهڤ ههمى ئاواره دهێنه ڤهگوهاستن بۆ شهش كهمپا لهورا دهمێ كهمپ ب دوماهى بهێن پێتڤى یه بنگههێن ساخلهمیێ ژى بۆ ئاوارهیان بهێنه ئاماده كرن.