نوژداره‌كێ كورد ل ئه‌لمانیا پێنج قه‌ره‌نیێن چاڤان ل دهوكێ چاندن
هاتیه بلاڤکرن روژا سێ شه‌مبێ, 14 چریا ئيكى 2014 - 6:27pm
پێنج نشته‌رگه‌ریێن قه‌ره‌نیا چاڤان ل نه‌خوشخانا چاڤان یا دهوكێ هاته ئه‌نجامدان، تایبه‌تمه‌ندێ نشته‌رگه‌ریێن چاڤان خویاكر ژى كو ئه‌ڤ نشته‌رگه‌ریه هه‌كه قه‌ره‌نیا وان هه‌ودان و كول نه‌بیت 98% ب سه‌ركه‌فتیانه دهێنه ئه‌نجامدان.
د. مسته‌فا ئوجێ، تایبه‌تمه‌ندێ نشته‌رگه‌یا چاڤان ل وه‌لاتێ ئه‌لمانیا دیاركر كو بو پێنج نه‌خوشان نشته‌رگه‌رى دێ بۆ هێته‌كرن و گۆت: ئه‌ڤه ئه‌و نه‌خوشن یێ ژیانێ نه‌بینن یانژى ب زه‌حمه‌ت دبینن ب چاڤێن خوه، چونكو ره‌شكا چاڤێن وان سپى بووینه، ئه‌ڤ قه‌ره‌نیه ژ ئه‌مریكا په‌یدادكه‌ن ل وێرێ بانك هه‌نه كو ب رێكا سایتێن وان په‌یوه‌ندیێ ب وان دكه‌ین و بۆ مه په‌دادكه‌ن.
دیاركر ژى ل فروكخانێ گه‌له‌ك ئاسته‌نگ بو په‌یدادبوون، به‌لێ پشتى رازیبوونا ده‌زگه‌هێن ساخله‌میێ هاتیه وه‌رگرتن چ ئاسته‌نگ نه‌مان و گۆتژى: كه‌ره‌ستێن ئه‌نجامدانا ڤان جوره نشته‌رگه‌ریا دكێمن، به‌لێ ئه‌م نه‌چار دبین هنده‌ك جاران ڤان كه‌ره‌ستان دوباره بكاربینن، نه‌خوش ڤان قه‌ره‌نیا دكریت كو پتر ژ 1800 دولارانه ئه‌ڤ قه‌ره‌نیه هه‌كه هه‌ودان و كولبوون نه‌بن 98% یا سه‌ركه‌فتى یه.
ئه‌ڤ مالپه‌ره فرێکه
