258 هزار زارۆ دێ هێنه ڤاكسیندان
هاتیه بلاڤکرن روژا ئێک شه‌مبێ, 19 چریا ئيكى 2014 - 11:47pm
رێڤه‌به‌ریا گشتى یا ساخله‌میا پارێزگه‌ها دهوكێ رابون ب ئه‌نجامدانا هه‌وا ڤاكسندانا دژى نه‌خوشیا ڤالنجا زارۆیان ل باخچێ بژاره ، لوما حازم سه‌رپه‌رشتا هه‌وا ڤاكسندانێ د داخویانیه‌كێ دا بو ده‌زگه‌هێن راگه‌هانێ گوت : هه‌وا ڤاكسیندانێ دێ بو 258 هزار زارۆیان بیت ، كو 60 هزار ژ وان زارۆیێن ئاواره‌یێن پارێزگه‌هێن دى َ دێ هێنه ڤاكسیندان .
د.لوما حازم سه‌رپه‌رشتا هه‌وا ڤاكسیندانێ دیاركر كو هه‌وا ڤاكسندانێ دژى نه‌خوشیا فالنجا زارۆیان كو ب هه‌فكاریا رێڤه‌به‌ریا گشتى یا ساخله‌میا پارێزگه‌ها دهوكێ ده‌ست پێكر یه، و گوت : ئه‌ڤه جارا شه‌شیێ ڤاكسیندان دهێته ئه‌نجامدان ، ژبه‌رمه‌ترسیا ڤالنجا زارۆیان كو ماوه‌یه‌ك په‌یدابوى ، تێمێن مه‌یێن ساخله‌میێ سه‌رانسه‌رى پاێزگه‌ها دهوكێ دگه‌رن ، كو 651 تیمن ژڤان تیما 47 تیم دناڤ بنگه‌هێن ساخله‌میێ نه یێن دى هه‌موو گه‌روكن ، ئه‌ڤ هه‌وا ڤاكسیندانێ ژوان زارۆیان دگریت یێن ئێك رۆژى هه‌تا پێنج سالى نه ، 258 هزار زارۆ دێ هێنه ڤاكسیندان ، ژ ڤان زارۆیان 60 هزار زارۆیێن ئاواره‌نه یێن پارێزگه‌هێن دى دێ هێنه ڤاكسیندان و 10هزار زاۆیێن ئاواره‌یێن كه‌مپا دومیز ژى دێ هێنه ڤاكسیندان .
حمزه ره‌زیكى به‌رپرسیێ راگه‌هاندنا ساخله‌میا دهوكێ خویاركر كوب ۆ ده‌مێ پێنج رۆژان دێ چالاكیان ل دور ڤاكسیندانێ ئه‌نجام ده‌ن ،و گوت : ل هه‌موو كه‌مپێن په‌نابه‌ران و ل هژماره‌كا قوتابخانه‌و باخچه‌یێن زارۆیان دێ چالاكى هه‌بن ، ل گه‌ل ڤێ چه‌ندێ بۆ ده‌مێ پێنج رۆژان دوكه‌مپینه دێ ل ناڤ باژێرى دكارى دابن بو هشیاركرنا وه‌لاتیان ل دۆر ڤاكسیندانێ .
مهاباد عه‌بدلمه‌جید عه‌بدلحه‌مید رێڤه‌به‌را باغچێ بژاره دیاركركو ئه‌ركه‌كێ پێدڤى یه دگه‌ل ساخله‌میا دهوكێ هاریكاربن بۆ ئه‌نجامدانا ڤان جوره چالاكیان ، داكو زارۆیه‌كێ ساخله‌م بیت دیربین ژ نه‌خوشیا ، و گوت : كو هه‌ر زارۆیه‌كێ دڤێ رۆژێ دا نه‌هاتبیته باخچه‌ى ، فه‌ره ده‌یك و باب زارۆیێن خوه بگه‌هنه نێزیكترین بنگه‌هێ ساخله‌میێ دا زارۆیێ وان بهێته ڤاكسیندان ، داكو ئه‌ڤ زارۆیه توشى چ نه‌خوشیا نه‌بیت ، چونكو هه‌كه توشى نه‌خوشیه‌كێ بو دبیته ئه‌گه‌ر ده‌رونێ ڤى زارۆى تێك بچیت .
ئه‌ڤ مالپه‌ره فرێکه
