پێنج نوشدارێن ئیتالى ل دهوكێ 24 ده‌مژمێرا ئاماده‌نه چاره‌سه‌ریا پێشمه‌رگه‌یى بكه‌ن
هاتیه بلاڤکرن روژا سێ شه‌مبێ, 21 چریا ئيكى 2014 - 12:28am
شانده‌كێ نوشدارێن ئیتالى ژلایێ حكومه‌تا ئیتالیا ب هه‌ماهه‌نگى دگه‌ل حكومه‌تا هه‌رێمێ و رێڤه‌به‌ریا گشتى ساخله‌میا دهوكێ كو ژ پێنج كه‌سان پێك دهێت ژ نوشدارێ بێهوشكه‌ر و شكه‌ستنێ و تایبه‌تمه‌ندێ ته‌نگاڤیا و هه‌ڤكار و په‌ره‌ستاره‌كێ پێك هاتینه كو بۆ ده‌مێ 45 رۆژا دێ ل نه‌خوشخانه‌یێن پارێزگه‌ها دهوكێ نیشته‌گه‌ریان ئه‌نجام دده‌ن.
"د.ریكاردو ماكیرینو" تایبه‌تمه‌ندێ بێ هوشكرنێ ژ شاندێ نوشدارێن ئیتالى دیار كر: ئه‌ڤ تیمه دێ ئاماده بن بۆ ده‌مێ 24 ده‌مژمێرا بۆ خزمه‌تكرنا هه‌ر پێشمه‌رگه‌یه‌كێ بكه‌ن كو بهێته ره‌وانه كرن بۆ نه‌خوشخانێ. ئه‌ڤرو ژى چه‌ندین نیشته‌گه‌رى ئه‌نجام داینه ژ وانا ژى دوو پێشمه‌رگا چاره‌سه‌رى بۆ هاتیه كرن ل نه‌خوشخانا ته‌نگاڤیا ساخله‌میا وان یا باشه.
ئه‌ندامێ وى شاندى بۆ ئه‌ڤرۆ گوت : ئه‌ڤ شانده دێ دوو كاران ئه‌نجام ده‌ن ژ وانا ژى مه‌شق كرن و فێركرنا كارمه‌ندێن سه‌نته‌رێ 122 كو ژ 30 په‌ره‌ستار و كارمه‌ندێن پێك دهێت چاوانیا سه‌ره‌ده‌ریێ دگه‌ل نه‌خوشان ژلایێ شوفێرێن ئه‌مبلانسا و پولیسێن هاتن و چوونێ و ئاگرڤه‌مراندنێ و پێشمه‌رگه كه‌ن.
ئاشكرا كر: دوو تیم دێ ل نه‌خوشخانا ته‌نگاڤیا ئه‌و ژى نوشدارێن تایبه‌تمه‌ندێن نیشته‌گه‌ریى و نوشداره‌كێ تایبه‌تمه‌ندێ بێ هوشكه‌ر ئه‌ڤ شانده دێ هه‌ول ده‌ن كو ئه‌و په‌یوه‌ندیا دگه‌ل تیمێن 122 ب رێكا رادیویێ بیت ژبه‌ركو چێ دبیت هنده‌ك جاران تله‌فون نه‌هێته بكار ئینان ژ ئاریشه دروست نه‌بن ئه‌ڤه ژى ته‌كنیكه‌كا سه‌رده‌مى یه دهێته بكار ئینان.
د.عه‌بدلا ئیبراهیم، نوژدارێ هه‌وارهاتنێ ل نه‌خوشخانا ته‌نگاڤیا پلرێزگه‌ها دهوكێ دیار كر: ژبه‌ركو هژماره‌كا مه‌زن یا ئاواره‌یان هاتنه هه‌رێما كوردستانێ و پشكا مه‌زن ژى به‌رف دهوكێ هاتینه و ئه‌ڤه ژى بوویه بارگرانیه‌ك لسه‌ر كه‌رتێ ساخله‌میێ بشێوه‌یه‌كێ گشتى.
گوت ژى: هاتنا شاندێن ب ڤى ره‌نگێ دێ مفایه‌كێ باش گه‌هینیته نوژدار و كارمه‌ندێن ساخله‌میێ ژبۆ ئه‌نجامدانا نیشته‌گه‌رییان و خولێن مه‌شقێ بۆ بهێنه ڤه‌كرن ژبۆ پتر ئاشنا بوون ژ كارێن نوژدارى یێت سه‌رده‌میانه دا كو دڤێ ره‌وشێ دا مفا ژێ بهێته وه‌رگرتن ژبه‌ركو زوربه‌یا ئاواره‌یان تووشى نه‌خوشیان دبن بتایبه‌ت د وه‌رزێ زڤستانێ دا ژبه‌ر تێك چوونا ره‌وشا وان.
ئه‌ڤ مالپه‌ره فرێکه
