ژۆرێن ساركرنێ و كه‌رڤانێن گه‌رۆك یێن نوشداریا ددانا گه‌هشتن دهۆكێ

ب پشته‌ڤانیا کۆمه‌لا نوشدارێن كورد ل ئه‌لمانیا و نوشدارێن كونگرێ مبزۆبۆتامیا و ویلایه‌تا سه‌كسونیا ژێرى یا ئه‌لمانیا، دو ژوورێن ساركرنێ ل گه‌ل هژماره‌كا كه‌رڤانێن گه‌رۆك بۆ ساخله‌میا ددانا گه‌هشتن پارێزگه‌ها دهۆكێ.

د. به‌ختیارئه‌حمه‌د، رێڤه‌به‌رێ پشكا ته‌كنیكى ل ساخله‌میا دهۆكێ دیاركر هه‌ر ژ ده‌ستپێكا ڤێ قه‌یرانێ كومه‌لا نوشدارێن ئه‌لمانى و كۆمه‌لا نوشدارێن میزوبوتامیا ده‌ستپێشخه‌رى یا كرى و هه‌ر ب له‌ز د هاوارا رێڤه‌به‌ریا گشتى ساخله‌میا دهۆكێ هاتینه‌، ئێك ژ ئه‌وان هه‌ماهه‌نگیا دگه‌ل حوكمه‌تا سه‌كسونیا ژۆرى یا ئه‌لمانى كو كوردنشین ب رێژه‌كا زور ل وێرێ نه‌ و گۆت: كوژمه‌كێ پاره‌ى هاتیه‌ كۆمكرن ژ لایێ وانڤه‌ ژبو ژێرخانا ساخله‌میا دهوكێ كو خورتر بكه‌ین وه‌ك یا دیار كو ب رێژه‌كا زور ئاواره‌ ئاكنجى پارێزگه‌ها دهوكێ نه‌ داكو بشێین پێدڤیێن وان دابین بكه‌ین، هه‌ڤكارى و پشته‌ڤانیا وان ژ 2 ژورێن ساكرنێ بو هه‌لگرتنا ڤاكسینا و 3 ژورێن تایبه‌ت ب چاره‌سه‌ریا ئاریشێن ددانا یێن گه‌رۆك وه‌ك كه‌ره‌ڤان ژبو پێشكێشكرنا خزمه‌تێن ساخله‌میا ددانا، هه‌روه‌سا 2 ترومبێلێن بارهه‌لگر یێن ساركه‌ر ژبو دابه‌شكرنا ده‌رمانا دێ هێنه‌ ب كارئینان.

د. لوما حازم، به‌رپرسا چاڤدێریا دایك و زارۆیان ژى دیاركر كو ئه‌ڤ ژورێن ساركرنێ دێ مفایه‌كێ باش گه‌هیننه‌ ڤاكسینا و پشتى ئه‌ڤان روودانان ب راستى پێدڤیێن مه‌ ب ئه‌ڤان ساركرنا زور یا گرنگ بوویه‌ و ئه‌ڤ ژووره‌ دێ ئه‌ڤان ڤاكسینا پارێزیت بو ماوه‌كێ زور داكوكو ژناڤ نه‌چن و ژ ئه‌ڤرۆ پێڤه‌ هندى ئه‌ڤ ڤاكسینه‌ بهێن دشیاندایه‌ كو ئه‌م بكه‌ینه‌ دناڤ ڤان ژوورا دا و دێ هێنه‌ پاراستن.