پارێزگارێ دهۆكێ دگهل لژنا بلندا ساخلهمیێ دوپاتى ل بابهتێ خوپاراستنێ كر
پارێزگارێ دهۆكێ د كۆمبوونا دوهی یا لژنا بلندا ساخلهمیێ ل پارێزگهها دهۆكێ پشتهڤانیا كارگێریا پارێزگههێ بۆ ئهركێن لسهر مللێ ڤێ لژنێ راگههاند و تهئكید ل بابهتێ خوپاراستنێ كر.
لژنا بلندا ساخلهمیێ ب ئامادهبوونا فهرهاد ئهترووشی پارێزگارێ دهۆكێ و ب سهرۆكاتیا بوتان محسن قایمقامێ دهۆكێ و سهرۆكێ لژنێ ل رێڤهبهریا كاروبارێن خوپاراستنێ كۆمبوو.
د. سیروان محهمهد ئهسوهد رێڤهبهرێ كاروبارێن خوپاراستنا ساخلهمیێ ل پارێزگهها دهۆكێ باس ل كارێن لژنهیا ناڤهاتی پێ رادبیت و ههروهسا ئهو رێڤهبهریێن تێدا ئهندام كر و گۆت: لسهر ئاستێ ئیراقێ و كوردستانێ بتنێ ل پارێزگهها دهۆكێ ئهڤ لژنه ههیه، زێدهباری ههبوونا لژنێن فرعی لسهر ئاستێ پارێزگههێ، دوپاتكر كو ئهڤ لژنه بهردهوام دوڤچوونا ساخلهمییا گشتيیا وهلاتیان لسهرانسهری پارێزگههێ دكهت.
ژ ئالیێ خوهڤه پارێزگارێ دهۆكێ فهرهاد ئهترووشی دیاركر، كارێ ڤێ لژنێ كارهكێ پیرۆزه و دڤێت زێدهتر گرنگی پێ بهێته دان بۆ بهردهوامبوونا كارێ وان، ئاماژهكر ساخلهمییا گشتی یا وهلاتیان و ئالیێ خوپاراستنێ دڤێت پتری گرنگی پێ بهێته دان، چونكه ژ گهلهگ ئالیانڤه تێچوویێ خوپاراستنێ كێمتره ژ ئالیێ چارهسهریێ.
پرسا ساخلهمییا قوتابخانا و ههبوونا ئاوارهیان ل پارێزگههێ تهوهرهكێ دێی ئاخڤتنا ئهترووشی بوو ب گرنگی دا زانین و گۆت: ئهركهكێ زور گرنگ لسهر مللێت لژنا بلندا ساخلهمیێ يه و پێدڤیه ب جددی لسهر كاربكهن و رهوشا ئاوارهیان ل بهرچاڤ بهێته وهرگرتن.
پارێزگارێ دهۆكێ بهرههڤییا كارگێریا پارێزگههێ دیاركر بۆ ههر پشتهڤانیهكا ههبیت د سهرئێخستنا كارێن لژنێ دا.
ههژی گوتنێ یه ههر د كۆمبوونا لژنا بلندا ساخلهمیێ بهحسێ ل وان كار و ئهركێن ژ ئالیێ وانڤه هاتیه ئهنجامدان هاته كرن و باس ل وان كێشهیان كر یێن كو پێدڤییه پتر دوڤچوون لسهر بهێته كرن.