ساخله‌مى زێده‌تر گرنگیێ ب ساخله‌مییا ده‌رونى یا وه‌لاتیان دده‌ت

پشتى بۆ ماوه‌یێ حه‌فتیه‌كێ هه‌ژماره‌كا نوشداران پشكدارى د خوله‌كا تایبه‌ت د وارێ ساخله‌مییا ده‌رونى دا  بۆ دایك و زاروكان كرى، ئه‌و خوله‌ ب دوماهى هات بۆ هندێ بكه‌ڤنه‌ كارى و بتایبه‌ت دناڤا ئاواره‌یاندا.

د. نزار عسمه‌ت رێڤه‌به‌رێ گشتیێ ساخله‌میێ ل پارێزگه‌ها دهۆكێ دوپاتى ل گرنگییا بابه‌تێ ده‌رونى كر دناڤ ئاواره‌یان دا  كر بتایبه‌ت دڤێ قوناغێ دا و ئاماژه‌كره‌ ره‌وشا نها هه‌رێم تێدا ده‌رباز دبیت ژبه‌ر ڤێ چه‌ندێ دڤێت زێده‌تر درژ بن لسه‌ر ساخله‌مییا ده‌رونى یا دایك و زارۆكان.

 دده‌مه‌كیدا هێنه‌را خولا ناڤهاتى كو نوشداره‌كا تایبه‌تمه‌ندا كه‌نه‌دیه‌ كو ب رێیا رێكخراوا ACF   هاتییه‌ دهۆكێ هیڤى خواست ئه‌و تشتێ وێ دڤان رۆژان دا نیشانداى ئه‌و بكارن ب پراكتیك بجهبینن بۆ خزمه‌تا ملله‌تێ خو.

ژ ئالیێ خوڤه‌ د. لوما حازم به‌رپرسا پشكا دایك و زاروكان ل رێڤه‌به‌ریا كاروبارێن خوپاراستنا ساخله‌میێ گۆت: ئه‌ڤ نوشداره‌ ئه‌ون یێن پشتى بۆ ماوه‌یێ دو سالان وه‌ك نوشدارێن نێشته‌جێ ل نه‌خۆشخانه‌یێن پارێزگه‌ها دهۆكێ كاركرى، ل حه‌فتییا بۆرى 41 نوشدار د خوله‌كێدا بوون وه‌ك به‌رهه‌ڤى بۆ كاركرن ل بنگه‌هێن ساخله‌مێ ، ئه‌ڤرۆ ژى 12 ژ وان نوشداران ئه‌ڤ خوله‌ ب دوماهى ئینا بۆ هندێ لده‌ڤه‌رێن ژێكجودا ل پارێزگه‌هێ كار ى لسه‌ر بابه‌تێ چاڤدێرییا ساخله‌مییا ده‌رونى یا دایك و زاروكان كاربكه‌ن.

ئاماژه‌كر، پشتى باوه‌رنامه‌ لسه‌ر وان هاتینه‌ به‌لاڤكرن، پێنج ژ وان نوشداران هاتنه‌ ژێگرتن وه‌كو راهێنه‌ر دناڤا كارمه‌ندێن ساخله‌میێ دا لسه‌ر هه‌مان بابه‌ت كاربكه‌ن، كو ل رۆژێن بهێت دێ خول بۆ كارمه‌ندێن ساخله‌میێ لسه‌رانسه‌رى پارێزگه‌هێ هێنه‌ ڤه‌كرن.