رێڤەبەریا گشتی ساخلەمیا دھوکێ فلمێ سەمیان خەلات دکەت

ل ھولا رێڤەبەریا گشتی یا ساخلەمیا دھوکێ دوھی ٢/١١ فلمێ سەمیان ھاتە نمایش کرن کو ژلایێ دەرھێنەرێ کورد"محەمەد جانو"ھاتیە بەرھەم ئینان و خەلات لسەر ستافێ فلمی ژی ھاتنە بەلاڤ کرن.

پشتی کو فلم ھاتیە نمایش کرن"د.نزار عێمەت"رێڤەبەرێ گشتی ساخلەمیا پارێزگەھا دھوکێ دیار کر: دەست خوشیێ ل دەرھێنەر و ھەمی ئەکتەر و بەشدار بووین فلمێ سەمیان دکەم کو شیاینە بابەتێ ھوسا دناڤا ئێک ژ نەخوشخانەیێت دھوکێ بھێتە دروست کرن، گوت ژی: ب دیتنا ڤی فلمی کو نھا رێڤەبەرێ نەخوشخانا ئازادی ئامادەیە لەورا چێ دبیت زۆر کێماسی تێدا ھەبن و بدیتنا ڤی فلمی بھێنە چارەسەر کرن.

پاشان "محەمەد جانو" دەرھێنەرێ فلمێ سەمیان دیار کر: پشتی کو ھزرا ڤی فلمی پەیدا بوویی مە بریا ردا کو فلمی د نەخوشخانەیەکا دھوکێ بھێتە دروست کرن ، گوتژی : پشتی مە داخازیەک پێشکێشی رێڤەبەرێ گشتی ساخلەمیا دھوکێ کری ب خوشحالی ڤە رەزامەندیا خو نیشان دا و ئامادەیا خو بۆ ھەر ھەفکاریەکێ نیشان دا کوک ارێ فلمی بشێوەیەکێ باش و سەرکەفتی بھێتە دروست کرن.

ل دوماھیێ ژی رێڤەبەرێ گشتی ساخلەمیا دھوکێ دەرھێنەرێ فلمی و ساتفێ کاری خەلات کرن .