بریكارێ وهزارهتا ساخلهمیا عیراقێ سهرهدانا ساخلهمیا دهۆكێ كر
ژ پێخهمهت دووڤچۆنا رهوشا ساخلهمیا ئاوهران ب گشتى، د.خهمیس ئهلسهعهد، بریكارێ وهزارهتا ساخلهمیا عیراقا فیدرال ب ههڤالینیا شاندهكێ وهزارهتێ، سهرهدانا رێڤهبهریا گشتى یا ساخلهمیا پارێزگهها دهۆكێ كر و گهنگهشه ل دۆر ساخلهمیا ئاواران هاته كرن.
د.نزار عصمهت، رێڤهبهرێ گشتیێ ساخلهمیا پارێزگهها دهۆكێ دیاركر كو ل نێزیك ئاوار ژ قوتابخانهیان بۆ ناڤ كهمپان دێ هێنه ڤهگوهاستن و رهنگه بنگههێن ساخلهمیێ ل دهمێ خوه ب دووماهى نههێن، لهورا ساخلهمیا دهۆكێ پێدڤى ب دهه كلینیكێن گهرۆك ههیه ژبۆ ساخلهمیا ئاواران و گۆت: یا گرنگه وهزارهتا ساخلهمیێ ل عیراقا فیدرال رهوشا ساخلهمیێ و مرۆڤایهتى ل بهر چاڤ وهربگریت و دهرمان و پێدڤیێن نوشدارى ل دووڤ پێدڤیێن ئاواران دابین بكهت، نهخاسمه نوكه وهرزێ زڤشتانێ یه و دێ پێدڤى ب گهلهك جورێن دهرمانان بین.
د.نزار عصمهت خواست كو ئهو نوشدار و كارمهندێن ساخلهمیێ یێن ئاوارهى دهۆكێ بووین ب رێیا ساخلهمیا دهۆكێ سهرهدهرى ل گهل بهێته كرن و بكهڤنه كارى داكو بشێن بهردهوامیێ ب كارێ خوه بدهن و مفا ژ شیانێن وان بهێته وهرگرتن و گۆتژى: ههر ژ نوكه پێدڤیه ئهم خوه ئامادهبكهین بۆ دابینكرنا پێدڤیێن ساخلهمیێ یێن دهڤهرێن ل ژێر دهستێ داعش دهێنه رزگاركرن، چونكو گهلهك كارتێكرن ل دهزگههێن ساخلهمیێ هاتیه كرن و دێ پێدڤى ب دهرمان و كهرستێن نوشدارى بن.
د.خهمیس ئهلسهعهد، بریكارێ وهزارهتا ساخلهمیێ ل عیراقا فیدرال دیاركر كو ههلویستێن ساخلهمیێ یێن دیرۆكى بووینه ل گهل ئاوارن و گۆت: پشتهڤانیا مه نه ل ئاستێ پێدڤى بوویه و ئهگهر ژى بۆ رێك و هندهك جارا ههلویستێن سیاسى ڤهدگهرن و پێدڤیه وان كێماسیان قهرهبۆ بكهین.
دیاركر ژى كو پێدڤیه دهرمانێن تایبهت بۆ ئاواران بهێنه دابینكرن و جودا ژ یێن دى داكو پاراستنا ساخلهمیا وان بهێته كرن و چاڤدێریهكا دروست بو ههبیت و گۆت: ئهو دێ دهستهلاتێ دهنه ساخلهمیا دهۆكێ مفاى ژ شیانێن كارمهندێن ئاوارهبووى وهربگرن و دێ ههول دهن ههموو ڤاكسین و پێدڤیێن خوپاراستنێ ژى دابین بكهن.