ساخله‌مییا دهۆكێ لسه‌ر چاره‌سه‌رییا ئاواره‌یان ل چيایێ شنگالێ یا به‌رده‌وامه
هاتیه بلاڤکرن روژا سێ شه‌مبێ, 11 چریا دووى 2014 - 11:14am
پشتى ئاواره‌بوونا خه‌لكێ شنگالێ بۆ سه‌رێ چیايێ شنگالێ، ساخله‌مییا پارێزگه‌ها دهۆكێ چه‌ند نوشدار و كارمه‌ندێن ساخله‌میێ ل سه‌رێ چیای خوه جهكرینه بۆ چاره‌سه‌رییا ئاواره‌یان ,كو رۆژانه پترى 200 كه‌سان سه‌ره‌دانا وان دكه‌ن.
د. عه‌لى حسێن ئێك ژ نوشدارێن ساخله‌مییا دهۆكێ ل چیایێ شنگالێ راگه‌هاند؛ دگه‌ل ئاواره‌بوونا خه‌لكێ شنگالێ بۆ سه‌رێ چیایێ شنگالێ، تیمێ ساخله‌مییا دهۆكێ ب 3 خیڤه‌تان د خزمه‌تان وان ئاواره‌یاندانه ل سه‌رێ چیای، رۆژانه ژى زێده‌تر 200 كه‌سان ره‌وشا وان یا ساخله‌میێ پشكنین دكه‌ن و چاره‌سه‌رییا وان دكه‌ن.
ناڤهاتى دیاركر، ژبلى وان ئاواره‌یێن ل چيایێ شنگالێ خوه جهـ بوین، ئه‌ڤ تیمه چاره‌سه‌رییا وان وه‌لاتیان دكه‌ت یێن ژ ده‌ستێ تیرۆرستێن داعشێ قورتال دبن دكه‌ت، كو 51 ژن و زارۆیێن دى ژ ده‌ستێ چه‌كدارێن داعشێ قورتالبوون و ژ ئالیێ مه‌ڤه هاتنه چاره‌سه‌ركرن و ژ به‌ر هاتنا رێیا درێژ و برسیبوونێ ره‌وشا وان تێكچبوو، لێ بۆ ساخله‌مییا وان یا ده‌روونى پێدڤییه ل نه‌خۆشخانه‌یێن دهۆكێ بهێنه چاره‌كرن، چونكه ئه‌و چاره‌سه‌رى ل ڤێره نینه.
ئه‌ڤ مالپه‌ره فرێکه
