دهزگهههكێ بریتانى دێ بنگههێ ساخلهمیێ ل كهمپا خانكێ ئاڤاكهت و برێڤهبهت
دهزگهههكێ بریتانى دێ بنگههێ ساخلهمیێ ل كهمپا خانكێ ئاڤاكهت و برێڤهبهت
گرێبهستهك بۆ ئاڤاكرنا بنگههێ ساخلهمیێ ل ناڤ كهمپا ئاواران ل خانكێ دناڤبهرا رێڤهبهریا گشتى یا ساخلهمیا پارێزگهها دهۆكێ و دهزگههێ AMAR یێ بریتانى هاته ئیمزاكرن و دهزگههێ ناڤبرى ب ههماههنگى ل گهل ساخلهمیا دهۆكێ دێ بۆ دهمێ سالهكێ بنگههێ خانكێ برێڤهبهت.
بارونێس نیكلسون، رێڤهبهرا دهزگههێ AMAR دیاركر كو وان دڤێت پشتهڤانیا رێڤهبهریا گشتى یا ساخلهمیا پارێزگهها دهۆكێ بكهن و گۆت: ئهڤ رێككهفتنه هاته مۆركرن كو خزمهتێن ساخلهمیێ پێشكێشى وى خهلكى بكهین یێن ئاواره بووین، داكو رێڤهبهریا گشتى یا ساخلهمیا پارێزگهها دهۆكێ ژى بشێت ب ئهركێ خوه راببیت.
دیاركر ژى كو ئهو دێ ب كارێ ئاڤاكرنا بنگههێ خانكێ یێ ساخلهمیێ رابن و گۆت: پشتى ئاڤاكرنێ دێ گهلهك خزمهتێن دیتر ب دووڤرا هێن و بۆ دهمهكى ژى دێ ب كارێ رێڤهبرنا بنگههێ ناڤبرى رابین.
د.نزار عصمهت، رێڤهبهرێ گشتیێ ساخلهمیا پارێزگهها دهۆكێ دیاركر كو بۆ جارا دوێ یه ئهڤ دهزگههه ل گهل ساخلهمیا دهۆكێ بهرههڤبوونا خوه بۆ پێشكێشكرنا خزمهتێن ساخلهمیێ دیاردكهت و گۆت: بۆ دهمێ سێزده سالان وان خزمهتا ئاوارێن كورد ل وهلاتێ ئیرانێ كریه و سهربورهكا باش ههیه كو دێ گهلهك مفاى ژێ وهرگرین و هاتنا وان بۆ دهۆكێ بۆ وێ چهندێ یه كو 17 كهمپ دێ ل دهۆكێ هێنه ئاڤاكرن و وهكو حوكمهت ئهو شیان نینن ههموو كهمپان برێڤهببهین لهورا مه پێدڤى ب ههڤالێن خوه ههیه كو بشێن پشتهڤانیێ ل مه بكهن و مه پێشنیازكربوو دهزگههێ وان كهمپهكێ هارى مه بكهن، لهورا ئهو رازى بووینه و دبیت ل پاشهرۆژێ گهلهك كارێن دیتر ژى ل گهل مه بكهن.