وه‌زیرێ ساخله‌میێ: د ڤێ كابیینێ دا سیسته‌مێ ساخله‌میێ دێ هێته گوهۆرین
هاتیه بلاڤکرن روژا سێ شه‌مبێ, 18 چریا دووى 2014 - 6:44pm
سه‌نته‌ره‌كێ نوشداریا خێزانێ هوله‌ندى – كوردى ل دهۆكێ دێ هێته ڤه‌كرن
وه‌زیرێ ساخله‌میێ: د ڤێ كابیینێ دا سیسته‌مێ ساخله‌میێ دێ هێته گوهۆرین
وه‌زیرێ ساخله‌میێ ل حوكمه‌تا هه‌رێما كوردستانێ ب هه‌ڤالینیا شیره‌تكارا جڤاتا وه‌زیران بۆ كارۆبارێن ساخله‌میێ گه‌هشتنه پارێزگه‌ها دهۆكێ و ژلایێ پارێزگارێ دهۆكێ ( فه‌رهاد ئه‌ترووشى) هاتنه پێشوازیكرن.
د داخویانیه‌كێ دا پارێزگارێ دهوكێ سوپاسیا وه‌زاره‌تا ساخله‌میا هه‌رێما كوردستانێ كر كو هه‌رده‌م پشته‌ڤان و هاریكار بوون بو سڤككرنا بارێ پارێزگه‌ها دهوكێ و كه‌سایه‌تیا وه‌زیرێ ساخله‌میێ گه‌له‌ك هاریكار و پشته‌ڤان بو وئه‌ڤه چه‌ندین جار سه‌ره‌دانا پارێزگه‌هێ كر داكو ژنێزیك ئاكه‌ه ژ ره‌وشا ساخله‌میا ده‌ڤه‌رێ ببیت ئه‌وا دشیان دا بیت یا هاتیه كرن.
د كومبوونه‌كێ دا ل گه‌ل سه‌رۆك پشكێن رێڤه‌به‌ریا گشتى یا ساخله‌میا پارێزگه‌ها دهۆكێ، د.نزار عصمه‌ت، رێڤه‌به‌رێ گشتیێ ساخله‌میا پارێزگه‌ها دهۆكێ كورتیه‌ك دا ل سه‌ر ره‌وشا ساخله‌میا ئاواران ل دهۆكێ و گۆت: وه‌رزێ هاڤینێ ئه‌م ژ به‌لاڤبوونا هژماره‌كا نه‌خۆشیان دترسیاین، به‌لێ ب پشته‌ڤانیا هه‌موو ستافێ ساخله‌میێ و كاركرنا رژد ئه‌و مه‌ترسى نه‌مایه و نوكه د ره‌وشه‌كا باشتر دا دژین.
دیاركر ژى كو حوكمه‌تا عیراقێ حه‌فت ب ستوویێ خوه ڤه‌گرتینه، به‌لێ هزرا ئاڤاكرنا بنگه‌هێن ساخله‌میێ دناڤدا نه‌هاتیه كرن و خواست كو پێنگاڤ بهێنه هاڤێتن داكو خزمه‌تا ئاواران بهێته كرن.
د.نزار عصمه‌ت، ئه‌وژى دیاركر كو ساخله‌میا دهۆكێ ب پشته‌ڤانیا چه‌ند نوشدارێن كو ژ وه‌لاتێ هوله‌ندا ڤه‌گه‌ریاین ل به‌ره سه‌نته‌ره‌كێ ساخله‌میا خێزانێ هوله‌ندى – كوردى ل ئه‌ڤرۆ ستى ڤه‌كه‌ن داكو پتر خزمه‌تا نوشداریا خێزانێ بهێته كرن.
د.راغب ره‌شید، ئێك ژ نوشدارێن ڤه‌گه‌ریاى ل هوله‌ندا دیاركر كو سه‌نته‌رێ ناڤبرى هه‌موو خزمه‌تێن ساخله‌میێ دوارێ نوشداریا خێزانێ دا دێ هه‌بن و گۆت: سێ نوشدارێن تایبه‌تمه‌ندێن نوشداریا خێزانێ دێ لێ كاركه‌ن و ل ده‌ستپێكا سالا 2015 سه‌نته‌رێ ناڤبرى دێ هێته ڤه‌كرن و ب فه‌رمى كه‌ڤیته كارى.
د.رێكه‌وت حه‌مه ره‌شید، وه‌زیرێ ساخله‌میێ ل حوكمه‌تا هه‌رێما كوردستانێ دیاركر كو ئێك ژ ئه‌ركێن گرنگ د كابینا نوو یا حوكمه‌تا هه‌رێما كوردستانێ دا ئه‌وه كه‌رتێن گشتى و تایبه‌تى ژێكجودابكه‌ت و گۆت: ل گه‌ل قونسلخانا ئوردنێ مى گىلىك گه‌نگه‌شه كرینه كو بگه‌هینه رێككه‌فتنه‌كێ و د دو سالێن بهێت دا سیسته‌كێ ساخله‌میێ گورانكاریان ببینیت و ئه‌ڤ كابینه دێ كابینا گوهۆرینا سیسته‌مێ ساخله‌میێ ل هه‌رێمێ بیت,
هه‌روه‌سا دیاركر كو حوكمه‌تا هه‌رێما كوردستانێ 20 ترۆمبێلێن ڤێراگه‌هشتنێ دێ بۆ ساخله‌میا دهۆكێ دابین كه‌ت داكو هه‌ر كه‌مپه‌كێ ترۆمبێله‌ك لێ بهێته دانان و خزمه‌تا ئاواران بهێته كرن.
د.فارس بریفكانى، سه‌رۆكێ لیژنا ساخله‌میێ ل په‌رله‌مانێ عیراقێ دیاركر كو هژماره‌كا پرۆژه قانوونان ل به‌ر ده‌ستێن وان هه‌نه و هه‌رێما كوردستانێ ل به‌رچاڤ دێ هێنه وه‌رگرتن و گۆت: مه ل به‌ره سه‌رژنوو هه‌یكه‌لیا وه‌زاره‌تا ساخله‌میێ رێكبێخین و قانوونا بیما ساخله‌میێ و پشته‌ڤانیا نوشدارێن بێهوشكرنێ و نوشداریا داد و خوپاراستنێ و كارمه‌ندێن ساخله‌میێ بهێنه گه‌نگه‌شه‌كرن.
د.فارس دیاركر ژى كو وان ل به‌ره رێژا بۆدجا ساخله‌میێ بلند بكه‌ن.
هه‌ر وه‌سا وه‌زیرێ ساخله‌میێ و شاندێ ل گه‌لدا سه‌ره‌دانا نه‌خوشخانا ته‌نگاڤیان و ئازادى و كه‌مپا شاریا دان.
ئه‌ڤ مالپه‌ره فرێکه
