كاروچالاكێن ساخلهمیێ بو ئاوارا و پێدڤێن 6 مههێن داهاتى
ب سهرپهرشتیا د. نزار عصمت رێڤهبهرێ گشتى ساخلهمییا پارێزگهها دهوكێ و رێڤهبهرێن ساخلهمییا ( ئاكرێ , ئامێدیێ , زاخو) رێڤهبهرێن نهخوشخانا و كهرتێن سهر ب رێڤهبهریا گشتى ساخلهمیا دهوكێ ههر ئێك ژوان راپورتا گرێدایى ب ئهوان خزمهتێن پێشكێشى ئاوارا كرین و پلانا شهش مههێن داهاتى ئاشكراكرن .
د.نزار عصمت رێڤهبهرێ گشتى ساخلهمییا پارێزگهها دهوكێ گوت : ئهڤرو ههمى دام و دهزگههێن ساخلهمیێ سهب رێڤهبهریا گشتى ساخلهمیا دهوكێ ڤه دخوازكربون و ههر ئێك ژوان تشتهكى پێشكێش بكه ت كا ئهوان ل دهستپێكا هاتنا ئاوارا بو سنورێ پارێزگهها دهوكێ و چ بو وان كریه و بهایێ ڤێ خزمهتێ چهند بویه داكو ئهم بدروستى ژمارا نهخوشیێن مه دیتین و هاتینه چارهسهركرن و ژمارا وان نشتهرگهریا یێن هاتینه ئهنجامدان , ههوسا كوژمێ ئهوان دهرمانێن مه لێ مهزاختین و لدوماهیكى ئهڤ ژماره ههمى لبهر دهست بن بشێن ل ڤان شهش مههێن بهێن خو ئاماده بكهین بو وان ئاوارا ب تایبهت دهمێ دهێنه ڤهگوهاستن بو ناڤ كهمپا داكو وهكى پێدڤى خزمهتا وان بهێتهكرن , دبێژیت : ههر دهزگهههكى داتا و ژمارێن خو ئاشكراكرن و دژمارێن واندا دیار دبیت چهندین ئاستهنگ و بهربهست ههبوینه بو خزمهتكرنا وان و چهندین پێشنیار ههبونه داكو ئهم بهرچاڤ وهربگرین و چارهسهریا ئهوان ئاستهنگ و بهربهستا بكهین , د. نزار ئاشكراكر: كو ل دوماهیێ راپورتهكا دروست دێ هێته بهرههڤكرن ودێ هێته بهلاڤكرن بو لایهنێن پهیوهندیدار داكو پشتهڤانیا مه بهێتهكرن داكو دشیاندا بیت كونترولكرنا نهوخشیا بهێتهكرن و خزمهتێن باشتر پێشكێشى خهلكێ خو وئاوارا ژى بكهین.