53 جهێن گشتى ل دهوكێ هاتینه سزادان و گرتن
هاتیه بلاڤکرن روژا سێ شه‌مبێ, 2 کانونا بچیک 2014 - 9:42am
ل هه‌یڤا بورى 53 جهێن گشتى ل دهوكێ هاتینه سزادان و گرتن
ژبه‌ر پێگیرى نه‌كرن ب رێنماێن ساخله‌میێ هوبا زێره‌ڤانیا ساخله‌میێ ل رێڤه‌به‌ریا كاروبارێن خو پاراستنێ 53 جهێن گشتى ل پارێزگه‌ها دهوكێ سزاداینه و هنده‌ك ژ وانا ژى هاتینه گرتن.
عصمه‌ت سه‌لمان، به‌رپرسێ هوبا زێره‌ڤانیا ساخله‌میى و خوراكێ ل رێڤه‌به‌ریا كاروبارێن خوپاراستنێ بۆ ئه‌ڤرۆ دیار كر: د به‌رده‌وامیا
كارو چالاكێن هوبا زێره‌ڤانیا ساخله‌میێ بۆ پاراستنا ساخله‌میا هاولاتیان روژانه تیمێن ساخله‌میێ سه‌ره‌دانا جهێن گشتى دكه‌ن،گوت ژى: ل هه‌یڤا بورى دا 53 جهێن گشتى هاتینه سزادان و گرتن.
گوت ژى: ژبه‌ر پێگیرى نه‌كرن ب رێنمایێن ساخله‌میێ 17 جهـ ژ ماركێت و خارنگه‌هـ و نانپێژى و جوانكارى و چه‌ندین جهێن دى هاتینه گرتن و هنده‌ك جهـ 15 روژان ژى هاتینه گرتن ، هه‌روه‌سا 36 جهێن گشتى ئه‌وێن ئاماژه پێ هاتینه دان هاتینه سزادان.
دیار كر ژى: ل سه‌رانسه‌ر دهوكێ تیمێن زێره‌ڤانیا ساخله‌میێ به‌رده‌وام دگه‌رن، ل سه‌نته‌رێ پارێزگه‌هێ ژى چار كه‌رت پێك هاتینه كو هه‌ر كرته‌ك ژ چار كه‌سان پێك دهێت،گوت ژى: ژبه‌ر پێگیرى كرن ب رێنما و ساخله‌تێن ساخله‌میێ ده‌ست خوشى ل كارگه‌ها هویركرنا گوشتى هاتیه كرن
ئه‌ڤ مالپه‌ره فرێکه
