ساخلهمیا دهۆكێ ل گهل 23 رێكخراوێن بیانى گهنگهشێ ل دۆر ساخلهمیا ئاواران دكهن
هاتیه بلاڤکرن روژا دوو شهمبێ, 15 کانونا بچیک 2014 - 6:27pm
وهك پێنگاڤهك بۆ ههلسهنگاندنا كارێ هاتیه كرن دوارێ پاراستنا ساخلهمیا ئاواران دا، ئهڤرۆ 15/12/2014 ل رێڤهبهریا گشتى یا ساخلهمیا پارێزگهها دهۆكێ كۆمبوونهك ل گهل رێكخراوێن سهر ب نهتهوێن ئێكگرتى و نێڤدهولى هاته كرن و ههر رێكخراوهكێ جودا بزاڤ و پێشنیازێن خوه بۆ پێشڤهبرنا رهوشا ساخلهمیا ئاواران بهرچاڤكرن.
د.نزار عصمهت، رێڤهبهرێ گشتیێ ساخلهمیا پارێزگهها دهۆكێ دیاركر كو رێكخراوێن ناڤبرى د وارێن خوراكى و پاراستن و چارهسهرى و گهلهك بیاڤێن دى خزمهتێ پێشكێشى ئاواران دكهن و بووینه بارسڤكیهك بۆ ساخلهمیا دهۆكێ كو پتر بشێین كارێ خوه ئهنجام بدهین و گۆت: هندهك ژوان رێكخراوان دێ رابن ب ئاڤاكرنا شهش بنگههێن ساخلهمیێ ل ناڤ كهمپا و هندهك ژى دێ برێڤهبهن.
دیاركر ژى كو ئاریشێن بهرچاڤێن كهمپان پێكهاتینه ژ كێمیا هندهك دهرمانان و ڤاكسینان و ترۆمبێلێن ئهمبۆلانس و ستافى و گۆت: پتریا رێكخراوان ئامادهبوونا خوه دیاركر كو هاریكاریا مه د بیاڤێن ناڤبرى دا بكهن.
د.نزار عصمهت، ئهوژى دیاركر نوونهرێ ساخلهمیا پارێزگهها مۆسل ژى ل كومبوونێ ئامادهبوو، چبهركو هژمارهكا زور ژ ستافێ ساخلهمیێ ل مۆسل ئاواره بووینه، لهورا ژێ هاتیه خواستن ئهو كارمهند بهێنه تهنسیبكرن بۆ ساخلهمیا دهۆكێ داكو خزمهتا ئاوارهیان ل كهمپا بهێته كرن.