رێكخراوا یونسێف دێ دو بنگه‌هێن ساخله‌میێ بۆ ئاواران ئاڤا كه‌ت
هاتیه بلاڤکرن روژا جارشه‌مبێ, 17 کانونا بچیک 2014 - 11:44pm
شانده‌كێ رێكخراوا یونسێف ب سه‌رپه‌رشتیا د.قاسم ئوسمان، به‌رپرسێ پشكا ساخله‌میێ ل ئوفیسا هه‌ولێرێ، سه‌ره‌دانا رێڤه‌به‌ریا گشتى یا ساخله‌میا پارێزگه‌ها دهۆكێ كر و بڕیاره دو بنگه‌هێن ساخله‌میێ ل كه‌مپێن ئاواران ئاڤا بكه‌ت.
د.نزار عصمه‌ت، رێڤه‌به‌رێ گشتیێ ساخله‌میا پارێزگه‌ها دهۆكێ دیاركر داكو بشێن پتر خزمه‌تا ساخله‌میا ئاواران بكه‌ن و ساخله‌میا وان بپارێزن، وان پێدڤیا هه‌ى ل هه‌موو كه‌مپان بنگه‌هێن ساخله‌میێ بهێنه ئاڤاكرن، و گۆت: به‌رى نوكه ژى وه‌زاره‌تا ئابوورى و گه‌شه‌پێدانا حوكمه‌تا ئه‌لمانیا بڕیار دایه شه‌ش بنگه‌هێن ساخله‌میێ ل كه‌مپا ئاڤا بكه‌ت، ژبه‌ركو گه‌له‌ك ژ وان بنگه‌هێن ساخله‌میێ لێ نینن، له‌ورا مه داخوازى پێشكێشى گه‌له‌ك رێكخراو و حوكمه‌تان كرن پشته‌ڤانیێ ل مه بكه‌ن، رێكخراوا یونسێف ژى بریار دایه پشته‌ڤانیێ ل مه بكه‌ت.
د.قاسم ئوسمان، به‌رپرسێ پشكا ساخله‌میێ ل رێكخراوا یونسێف دیاركر كو رێكخراوا یونسێف د به‌رنامێن خۆپاراستنا ساخله‌میێ دا گه‌له‌ك هاریكاریا ساخله‌میا دهۆكێ كریه و دیسا پشته‌ڤان بوویه بۆ پێشڤه‌برنا شیانێن وان یێ، ته‌كنیكى و گۆت: دوارێ ئاڤه‌دانكرنێ دا ژى مه بڕیار دا بنگه‌هه‌كێ ساخله‌میێ ل ئه‌سیان و ئێكى ژى ل به‌رده‌ره‌ش ئاڤا بكه‌ین.
ئه‌ڤ مالپه‌ره فرێکه
