ژوورهكا نشتهرگهریێن گهرۆك دێ ل بهرۆكێن شهرى هێته دانان
ژوورهكا نشتهرگهریێن گهرۆك دێ ل بهرۆكێن شهرى هێته دانان
ژوورهكا تایبهت ب نشتهرگهریێن گهرۆك ژلایێ د.ڤیكتهر ژ وهلاتێ ئیسپانیا گههشته پارێزگهها دهۆكێ و بڕیاره ل بهرۆكێن شهرى مفا ژێ بهێته دیتن.
د.نزار عسمهت، رێڤهبهرێ گشتیێ ساخلهمیا پارێزگهها دهۆكێ دیاركر كو د. ڤیكتهر ژ وهلاتێ ئیسپانیا ب رێیا رۆژین فارما ئهڤ ژووره گههانده دهۆكێ و گۆت: بهرى نوكه وان بهرههڤیا خوه دیاركربوون ژ بو هاریكاریكرنا كهرتێ ساخلهمیێ.
رێڤهبهرێ گشتیێ ساخلهمیا پارێزگهها دهۆكێ دیاركر ژى كو بهرى نوكه وان ئهو ئاگههداربوون كو ساخلهمیێ ب دههان تیمێن ڤێراگههشتنێ ئامادهكربوون ل بهرۆكێن شهرى، ب تنێ ئاریشا ساخلهمیێ دگهل بهرۆكێن شهرى نهئهنجامدانا كریارێن نشتهرگهرى بوو و گۆت: ل دووڤ داخازیا مه ئهڤ خیڤهته ئینایه كو دماوێ 5 دهقیقادا بهرههڤ دبیت و ببیته ژوروكا نشتهرگهریێ، ب تنێ مایه ئهم بهرههڤ بكهین وئامیرێن پێدڤى بكهینه تێدا و گۆتژى: ئهڤ ژووره دێ ل نێزیكى بهرۆكێن شهرى هێته دانان و ئهڤ ژووره دڤێ دهلێڤى دا زور یا پێدڤى بوو و دێ دگهل تیمێن مه بیت و دێ ل پشتا هێلا ئێكێ دانین دهما بریندار دكهڤن دا ل وێرێ چاره بكهن، چونكو بهرى نوكه ئهم نهدشیاین هندهك كریارێن نشتهرگهرى یێن پێدڤى ل بهرۆكێن شهرى ئهنجام بدهین و ئهڤه دهلیڤهكا باش و ب مفایه بۆ ساخلهمیێ و پێشمهرگێ قارهمان.