هه‌موو ویلایه‌تێن ئه‌مریكا دێ‌ هاریكاریان گه‌هینن ئاواران ل دهۆكێ‌

عادل شموئێل، نوونه‌رێ‌ كه‌نیسا ئنجیلا ئازاد ل دهۆكێ‌ دیاركر كو ئه‌ڤ هاریكاریه‌ برێكا ( Roads of success)، كه‌نیسێن ئه‌مریكا و ئه‌روپا و چه‌ند ده‌زگه‌هێن خێرخازی ل سه‌ر ئاستێ‌ جیهانێ‌ گه‌هشتینه‌ و گۆت: ڤان لایه‌نا به‌ری ماوه‌یه‌كی سه‌ره‌دانا هه‌رێما كوردستانێ‌ كربوون و سۆز دابوو باره‌كێ‌ مه‌زن یێ‌ هاریكاریا بو هه‌رێمێ‌ فرێ‌ كه‌ن، قۆناغه‌ك ژ وان هاریكاریا گه‌هشتیه‌ ده‌ڤ مه‌ پێكهاتیه‌ ژ چه‌ندین پێدڤیێن روژانه‌ وه‌ك جل و به‌رگ و پێدڤیێن نڤستنێ‌ و چه‌ندین پێدڤیێن نوشداری یێن گرنگ دگه‌ل دانه‌.
دیاركر ژی نوكه‌ ئه‌مریكا ل سه‌ر پرۆژه‌یه‌كی كاردكه‌ن وه‌ دیاركریه‌ كو هه‌ر ویلایه‌ته‌كا ئه‌مریكا دێ‌ شاحینه‌كا هاریكاریا بو مه‌ فرێ‌ كه‌ته‌ هه‌رێما كوردستانێ‌ و كه‌نیسێن ئه‌مریكا و ئه‌وروپا ژی پشكدارن بو ئاوارێن هه‌رێماكوردستانێ‌ فرێ‌ كه‌ن و گۆتژی: ئه‌م ب هه‌ڤكاری ل گه‌ل رێڤه‌به‌ریا گشتی یا ساخله‌میا دهۆكێ‌ ڤان هاریكاریا دێ‌ گه‌هینینه‌ ئاوارێن پارێزگه‌ها دهۆكێ‌ و وان جهێن پتر پێدڤی پێ‌ هه‌ی، وه‌كاله‌تا ناسا یا ئه‌سمانی یا ئه‌مریكی بو جارا ئێكێ‌ یه‌ به‌تانیێن تایبه‌ت دهێنه‌ ئاماده‌كرن بو شاره‌زایێن ئه‌سمانی ئه‌ڤجاره‌ بو ئاوارێن هه‌رێما كوردستانێ‌ فرێ‌ كرینه‌ و دیسا وان ژی سوزدایه‌ دێ‌ به‌رده‌وام بن ل سه‌ر ڤان هاریكاریا.