ساخله‌میا جیهانى چار كلینیكێن گه‌رۆك بۆ دهۆكێ دابینكرن

ژبۆ پتر پشته‌ڤانا ئاواران ل سنورێ پارێزگه‌ها دهۆكێ و ب تایبه‌ت ل ناڤ كه‌مپێن هێشتا بنگه‌هێن ساخله‌میێ لێ نه‌هاتینه‌ دانان، رێكخراوا ساخله‌میا جیهانى چار كلینیكێن گه‌رۆك دابینكرن.
هاتنا وان كلینیكان وه‌كو پشكه‌ك ژ هاریكاریێن ساخله‌میا جیهانى هاتنه‌ و دێ مفایه‌كێ مه‌زن ژێ وه‌رگرین تایبه‌ت بو وان جهێن دوور و مه‌ دگه‌ل وان بڕیار دایه‌ ڤان كلینیكا ره‌وانه‌كه‌ینه‌ كه‌رتێ شێخان بو كه‌مپێن ب سه‌رڤه‌، ئێك ژى بو كه‌رتێ سێمَلێ و ئه‌و كه‌مپێن بسه‌رڤه‌،ئێك ژى بو زاخۆ و ئه‌و كه‌مپێن بسه‌رڤه‌، ئێك ژى دێ چیته‌ چیایێ شنگارێ و ده‌وروبه‌رێن وێ یێن دوور، ئه‌ڤان كلینیكا دێ ستافه‌كێ ساخله‌میێ دگه‌لدا بیت ژ نوشدار و كارمه‌ندا پێك دهێت دا كو خزمه‌تا ئاواران بهێته‌كرن دناڤا ڤان كلینیكێن گه‌رۆك دا.
محمد حه‌ماشه‌، به‌رپرسێ رێكخراوا ساخله‌میا جیهانى ل دهۆكێ دیاركر ئه‌ڤه‌ گه‌را ئێكێ یه‌ ژ تیمێن گه‌رۆك و گۆت: بۆ گه‌را دوێ ژى دو كلینیك دێ هێن و ئه‌ڤ هاریكاریه‌ پێك دهێت ژ پشته‌ڤانیكرنا نوشدارو كارمه‌ندێن ساخله‌میێ دگه‌ل ده‌رمان و پێدڤیێن نوشدارى دگه‌ل دانه‌، ئه‌ڤ هه‌ڤكارى و پشته‌ڤانیه‌ ژ بو پتر خزمه‌تكرنا خه‌لكێ دهۆكێ و ئاواره‌یێن ئاكنجێن پارێزگه‌ها دهۆكێ یه‌