ساخلهمیا دهوكێ ههوهكا ڤاكسیندانێ ل چیایێ شنگالێ و كهمپا شاریا ئهنجامدا
پشتی دهردورێن چیایێ شنگالێ هاتیه ئازادكرن، دهملدهست سازیێن ساخلهمیێ دهست ب ههوهكا ڤاكسیندانێ بۆ ئاوارهیێن چیایێ شنگالێ كر.
د. سیروان محهمهد ئهسوهد رێڤهبهرێ كاروبارێن خوپاراستنا ساخلهمیێ راگههاند، بۆ خوپاراستن و ساخلهمییا زارۆیێن ئاواره ل سهرێ چیایێ شنگالێ و ههروهسا ل ناڤ كهمپا شاریا دا، رێڤهبهرییا كاروبارێن خوپاراستنا ساخلهمیێ ب ههڤكاری دگهل رێكخراوا یونیسیڤ دهست ب ههوهكا ڤاكسیندانێ دژی ههردو نهخۆشیێن فالنجا زارۆكا و سۆركا ئهنجامدا، ئاماژهكر ل سهرێ چیایێ شنگالێ پتری 2291 زارۆیان ڤاكسینا دژی نهخۆشییا سوركا وهرگرت، ههروهسا 2638 زارۆیان ژی ڤاكسینا فالنجێ وهرگرت.
ناڤهاتی زێدهتر گۆت: ههر ژ بۆ پاراستنا وان خێزانێن ئاواره ژ ههر نهخۆشیهكێ، ساخلهمیێ ههوهكا ڤاكسیندا دژی نهخۆشییا ههودانا جهرگی ژ جورێ A بۆ زارۆیێن كهمپا شاریا یێن ژیێ وان دناڤبهرا 1 سالی تا 15 سالیێ دا ئهنجامدا و تێدا 830 زارۆیان ئهڤ ڤاكسینه وهرگرت.