لژنا بلندا ساخلهمیێ هندهك بڕیار و رێنمایێن نوو دهركرن
لژنهیا بلندا ساخلهمیێ ل پارێزگهها دهۆكێ هندهك بڕیارێن نوو ژ پێخهمهت ساخلهمییا گشتییا وهلاتیان دهركرن، ژ وانا هندهك مهرجێن نوو بۆ كارگههێن كواشێ دهرخستن كو پێدڤییه ب زووترین دهم كار پێ بهێتهكرن.
د. سیروان محهمهد ئهسوهد رێڤهبهرێ كاروبارێن خوپاراستنا ساخلهمیێ ل پارێزگهها دهۆكێ دیاركر، د وێ كۆمبوونێ دا چهندین بڕیار و رێنمایێن نوو هاتنه دهركرن لدۆر پاراستنا ئاڤا ڤهخوارنێ و ههروهسا دووركرنا ئاژهلێن بهرهلا بۆ جههكێ تایبهت ژ پێخهمهت ساخلهمییا گشتییا وهلاتیان ، ئاماژهكر رێڤهبریێن پهیوهندیدار هاته راسپاردن بۆ ئهنجامدانا وى ئهركى.
رێڤهبهرێ كاروبارێن خوپاراستنا ساخلهمیێ دیاكر كو دوێ كۆمبوونێ بڕیار هاته دان لژنهیا دیڤچوونا جهێن گشتى ل ناڤ بازارێن پارێزگههێ بهێته كاراكرن و گۆت: ل دهڤهرا كواشێ لیژنهیهكا تایبهت سهرهدانا ڤێ دهڤهرێ كریه و چهندین مهرج و رێنما هاتینه دان بو ههر جوره كارگهههكێ و ماوهكێ دهست نیشانكری بو هاتیه دیاركرن بو جێ بهجێكرنێ و بهرۆڤاژى ، ههر كارگهههكا پێگیریێ پێ نهكهت دێ كهڤیته بهر سزایێن یاسایی.
سهبارهت فروشگههێن خواندنگههان ژى ناڤهاتى ئاماژهكره كو بۆ سالا بهێت دڤێت رێڤهبهریا پهروهردێ رێنمایێن ساخلهمیێ دگهل رێنمایێن پهروهردێ بكهته د تهندهرێن ب كرێدانا ڤان فروشگههان بدهنه هاوولاتیان داكو ساخلهمیێ بشێت سهرهدهریهكا دروست دگهل بكهت.