شیانێن نوشدارێن نێشتهجێ د وارێ نهخۆشیێن ڤهگر دا دهێنه پێشڤهبرن
بۆ پێشڤهبرنا شیانێن نوشدارێن نێشتهجێ یێن خۆلا ل نهخۆشخانهیێن پارێزگهها دهۆكێ ههژمارهكا نوشداران ل رێڤهبرییا كاروبارێن خوپاراستنا ساخلهمیێ پشكدارى د دو خۆلێن جودا دبن.
د. نازك عبدالرحیم بهرپرسا پشكا پشتگیرییا ساخلهمیێ ل رێڤهبهرییا ناڤهاتى دیاركر، نها دو خۆل ل رێڤهبهرییا مه هاتینه ڤهكرن، یا ئیكێ بۆ نوشدارێن نێشتهجێ كو لسهر نهخۆشیێن ڤهگر ل نهخۆشخانهیان شیانێن وان د وارێ چارهسهرى و خوپاراستنا نهخۆشیێن ڤهگر دا بهێنه پێشڤهبرن، كو دماوهیێ سێ رۆژاندا ژ ئالیێ بسپور و شارهزایێن ڤى واریدا دهێنه بهرههڤكرن.
سهبارهت خۆلا دوێ یا نها ل رێڤهبهریا ناڤهاتى دهێته برێڤهبرن، بهرپرسا پشكا پشتگیرییا ساخلهمیێ گۆت: لسهر پرسا هشیاركرنێ لسهر بابهتێ خوپارهستنێ و چارهسهریێ ههژمارهكا نوشدار و كادرێ ساخلهمیێ یێ د وارێ خوپاراستنێ دا ل نهخۆشخانهیێن پارێزگههێ كار دكهن پشكدارى ڤێ خۆلێ كر، ئارمانج ژێ ئهوه هاریكارى د وارێ خوپاراسن و چارهسهریێ دا پتر بشێن ئاراسته بكهن.