ساخلهمى 6 تهنێن كهل و پهلێن ئیكسپایهر ژ ناڤبرن
د بهردهوامییا كارێ تیمێن زێرهڤانییا ساخلهمیێ ل ناڤ جهێن گشتى دا، رێڤهبهریا كاروبارێن خوپاراستنا ساخلهمیێ رابوو ب ژنافبرنا 6 تهنێن كهل و پهلێن خوارن و ڤهخوارنێ یێن ئێكسپایهر .
عسمهت سهلمان بهرپرسێ زێرڤانیا ساخلهمیا دهوكێ دیاركر، تیمێن زێرهڤانیا ساخلهمیێ ب ههڤكاریا هوبا ئابووریا ئاسایشا شارێ دهۆكێ رابوون ب ژنافبرنا 6 تهنێن كهل و پهلێن دهم بسهرفهچووى كو پێكهاتى بوون ژ كهرستهیێن خوارنێ و ڤهخوارنێ و ئهرزاق و شرینى و نهستهلهیان، كو ل ماوهیێ رۆژێن بۆرى ل ناڤ جهێن گشتى ل پارێزگهها دهۆكێ هاتبوونه دهستهسهركرن.
بهرپرسێ زێرهڤانییا ساخلهمییا دهۆكێ زێدهتر گۆت: ئهو كهرستهیێن ئێكسپایهر ب رێیا لژنهیهكا تایبهت هاتنه ژناڤبرن، دوپاتكر ژى دۆڤچوونا تیمێن وان بۆ ناڤ جهێن گشتى دێ یا بهردهوام بیت ژ پێخهمهت ساخلهمییا گشتى یا وهلاتیان.