ل دهۆكێ رۆژا جیهانى یا نه‌خۆشیا په‌نجه‌شێرێ هاته گێران
هاتیه بلاڤکرن روژا جارشه‌مبێ, 4 شوات 2015 - 2:23pm
لژێر درووشمێ ژناڤبرنا په‌نجه‌شیرێ یا دوور نینه و ژ شیانێن مه‌دایه ب رێیا هشیاركرن و ره‌وشه‌نبیریێ خوه ژى ب پارێزین، رێڤه‌به‌ریا گشتى ساخله‌مییا دهوكێ ب ئاماده بوونا بوتان محسن قایمقامێ قه‌زا دهوك و چه‌ند ئه‌ندامێن جڤاتا پارێزگه‌هێ و نوشدار و كارمه‌ندێن په‌یوه‌ندیدار روژا جیهانیا نه‌خوشییا په‌نجه‌شێرێ هاته گێران.
د. نزار عصمت، رێڤه‌به‌رێ گشتى ساخله‌مییا دهۆكێ دیاركر كو نه‌خوشیا په‌نجه‌شێرێ ژ نه‌خوشیێن مه‌ترسیداره ل ژیانا مروڤى، ئه‌و كه‌سێ تووشى ڤێ نه‌خوشیێ بووى مال و هه‌مى كه‌س كار دكه‌ڤنه دقه‌یرانه‌كا مه‌زن و گۆت: ل ڤى سه‌رده‌مى دگه‌ل هه‌بوونا شه‌رى دگه‌ل تیرورستان و ژماره‌كا زورا ئاوارا و پاشمایێن جودا جودا یێن شه‌رێن سه‌ر ب كوردستانێ و هه‌بوونا گه‌له‌ك فاكته‌رێن دى مه دئێخه‌نه مه‌ترسیا توشبوونا نه‌خوشیا په‌نجه‌شێرێ و نه‌خوشیێن ده‌مدرێژ دا.
دیاركر ژى، رێڤه‌به‌ریا گشتى یا ساخله‌مییا دهۆكێ هه‌مى به‌رهه‌ڤى كرینه بو كاركرن و زوو ده‌ستنیشانكرنا ڤێ نه‌خوشیێ و بلندكرنا ئاستێ ره‌وشه‌نبیریا خه‌لكى و زووترین ده‌م قه‌ستا بنگه‌هێن ساخله‌میێ بكه‌ن ده‌ما دیاربوونا نیشانه‌كێ لجه‌م وان و دابینكرنا هه‌مى چاره‌سه‌ریا ل ڤان بنگه‌هان و گۆت: دووماهیك هاتنا نه‌خوشخانا په‌نجه‌شێرێ ل دهوكێ بو پێشوازیا نه‌خوشا دێ بوارێ نه‌خوشان سڤك كه‌ت.
هه‌روه‌سا دیاركر كو چه‌ند ئاریشه هه‌نه ژوانژى: كێمیا بودجا ته‌رخانكرى بو پشته‌ڤانیكرنا ڤان نه‌خوشا و كه‌س و كارێن وان و ئینانا ده‌رمانا، كێمیا نوشدارێن بسپور و كارمه‌ندێن ساخله‌میێ و ده‌زگه‌هێن چاره‌سه‌ریێ ، له‌ورا وه‌ك پێدڤى چاره‌ره‌سه‌ریا وان ناهێته‌كرن، هه‌روه‌سا نه‌بوونا شاره‌زایێن نشته‌رگه‌رێن تایبه‌تمه‌ند دوارێ په‌نجه‌شێرێدا و گرڤتا هه‌ره مه‌زن زوربه‌ى ڤان نه‌خوشا پێدڤى ب چاره‌سه‌ریا تیشكێ هه‌نه و ل دهوكێ نینه و گۆتژى: مه فشاره‌ك دانایه سه‌ر وه‌زاره‌تا ساخله‌میا هه‌رێمێ بو دانانا پروگرامه‌كێ تایبه‌ت بو نه‌خوشیێن پارێزگه‌ها دهوكێ كو ب دروستى پێشوازیا وان بهێته‌كرن، هه‌كه نه رێیه‌كا دى بو بهێته دیتن.
د. زه‌كى عه‌لى، رێڤه‌به‌رێ سه‌نته‌رێ په‌نجه‌شێرێ ل دهۆكێ دیاركر كو 497 نه‌خوش ل سالا 2013 ل دهۆكێ هه‌بووینه و ئه‌ڤ رێژه زێده‌بوویه و نوكه 1070 نه‌خوش هه‌نه، به‌لێ ب رێژا 35% ژنه‌خوشان په‌نابه‌رن و گۆت: سه‌ره‌ده‌ریا هه‌موو نه‌خوشا وه‌ك ئێك دهێته‌كرن، كاره‌كێ زور گرنگ حكومه‌تا هه‌رێمێ بو ڤان نه‌خوشا كریه ئه‌وژى ب دانانا صندوقا هاریكاریێ، ئه‌ڤ صندوقه بو كرینا درمانا و كرینا ئامیره‌كێ پێشكه‌ڤتى بو ده‌ستنیشانكرنا ڤێ نه‌خوشیێ و شاندنا نه‌خوشى بو ده‌رڤه‌ى وه‌لاتى و گۆت: هه‌تا نوكه پتر 150 نه‌خوشان هاتینه ره‌وانه‌كرن بو ده‌رڤه‌ى وه‌لاتى بو مفاوه‌رگرتن ژ ده‌رمانا و 149 نه‌خوش یێ په‌نجه‌شێرا مه‌مكا و 138په‌نجه‌شێرا خوینێ 101 كه‌س په‌نجه‌شێرا مێلاكا سور ل دهۆكێ هه‌نه.
پاشان هه‌ر ئێك ژ (د.ره‌مه‌زان ته‌یب، لوئه‌ى عصام، به‌یار ئه‌حمه‌د و نوفل ره‌شید) چه‌ند بابه‌ت ل دۆر خوپاراستن ژ په‌نجه‌شێرێ پێشكێشكرن.
ئه‌ڤ مالپه‌ره فرێکه
