قونسلێ وه‌لاتێ ئه‌لمانیا سه‌ره‌دانا دهوك كر
هاتیه بلاڤکرن روژا ئێک شه‌مبێ, 8 شوات 2015 - 8:44am
دچارچووڤێ سه‌ره‌دانه‌كێ دا بۆ پارێزگه‌ها دهۆكێ، قونسلێ وه‌لاتێ ئه‌لمانیا دیته‌ر لاملى، سه‌ره‌دانا پێشمه‌رگێن بریندار ل نه‌خۆشخانا ته‌نگاڤیان كر و دیاركر كو پێشمه‌رگه ل پێش هه‌موو جیهانێ شه‌رێ داعش دكه‌ن و داستانه‌كا نێڤده‌ولى تۆماردكه‌ن.
ل ده‌ستپێكا سه‌ره‌دانا خوه‌دا بۆ رێڤه‌به‌ریا گشتى یا ساخله‌میا پارێزگه‌ها دهۆكێ كومبوونه‌ك ل دۆر خزمه‌تێن ساخله‌میێ بۆ پێشمه‌رگه و برینداران گرێدا و ئاماده‌بوونا وه‌لاتێ خوه دیاركر بۆ هه‌ر خزمه‌ته‌كا پێدڤى د وارێ ساخله‌میێ دا.
د. نزار عصمه‌ت، رێڤه‌به‌رێ گشتیێ ساخله‌میا پارێزگه‌ها دهوكێ ل دۆر سه‌ره‌دانا ناڤبرى بۆ رۆژناما ئه‌ڤرۆ دیاركر مه‌ره‌م ژ سه‌ره‌دانا قونسلێ ئه‌لمانیا بۆ كه‌رتێ ساخله‌میێ ئه‌وبوویه هه‌ڤكارى و پشته‌ڤانیا ساخله‌میێ بهێته كرن داكو خزمه‌تێن به‌رفره‌هتر پێشكێش بكه‌ت و گۆت: دسه‌ره‌داه‌كێ دا بۆ نه‌خوشخانا ته‌نگاڤیا، ل نێزیك سه‌حكره ره‌وشا ساخله‌میا پێشمه‌رگێن بریندار و سۆز دا هه‌رده‌م پشته‌ڤان و هاریكارێ پێشمه‌رگا بیت، و قونسلى بۆ پێشمه‌گان دیاركر ئه‌و یێ داستانه‌كا نیڤده‌وله‌تى تۆماركه‌ن و ل پێش دونیایێ هه‌میێ شه‌رێ دژى داعش دكه‌ن.
د.نزارى ئه‌وژى دیاركر د سه‌ره‌دانا قونسلى دا بۆ نه‌خوشخانا هیڤى یا زارۆیان دیاركر كو هنده‌ك پروژێن هه‌ڤپشك ئه‌نجام بده‌ن و پشته‌ڤانیا وان ل پاشه‌روژێ دكه‌رتێ ساخله‌میێ دا.
ئه‌ڤ مالپه‌ره فرێکه
