رێكخراوه‌كا نه‌رویجى 10 ته‌نێن ده‌رمانان دێ پێشكێشى ئاوارا كه‌ت
هاتیه بلاڤکرن روژا جارشه‌مبێ, 11 شوات 2015 - 9:32am
رێڤه‌به‌رێ گشتیێ ساخله‌میا پارێزگه‌ها دهۆكێ، د.نزار عصمه‌ت پێشوازى ل شانده‌كێ رێكخراوا visjon norge یا نه‌رویجى كر كو رێكخراوا ناڤبرى دێ رابیت ب دابینكرنا 10 ته‌نێن ده‌رمانان و جلكان دێ پێشكێشى ئاواران كه‌ت.
د.نزار عصمه‌ت به‌حسێ ره‌وشا ساخله‌میا ئاواران و ئه‌و خزمه‌تێن ژلایێ رێڤه‌به‌ریا گشتى یا ساخله‌میا پارێزگه‌ها دهۆكێ بۆ هاتینه پێشكێشكرن ژلایه‌نێن خوپاراستنێ و چاره‌سه‌ریێ و پشته‌ڤانیا ده‌روونى كر و گۆت: جهێ خوشحالیا مه‌بوو ب پشته‌ڤانیا هه‌موو ستافێ ساخله‌میێ ساخله‌میا ئاواران بپارێزین و نه‌خۆشى بهێنه كونترۆلكرن.
ژلایێ خوه‌ڤه شاندێ نه‌رویجى دیاركر كو ئه‌و دێ هاریكاریا ئاواران ب هه‌موو ره‌نگان كه‌ن و نوكه 10 ته‌نێن ده‌رمانان ل گه‌ل هژماره‌كا جلكان وه‌كو هاریكارى بۆ ئاواران ژلایێ وانڤه دێ هێنه دابینكرن.
ئه‌ڤ مالپه‌ره فرێکه
