رێنمایێن نوو بۆ ئینانا نوشدارێن بیانى بۆ كوردستانێ دێ دهركهڤن
ل رێڤهبهریا گشتى یا ساخلهمیا پارێزگهها دهۆكێ، ب ئامادهبوونا د.عهبدولا جاسم رێكانى و د.شرین حسنى، پرۆژه بڕیارا ئینانا نوشدار و كارمهندێن ساخلهمیێ ژدهرڤهى وهلاتى هاته گهنگهشهكرن.
د. عهبدوللا جاسم رێكانى، ئهندامێ لیژنا ساخلهمیێ ل پهرلهمانێ كوردستانێ دیاركر كو دیاردا ئینانا نوشدار و كارمهندێن ساخلهمیێ ژ دهرڤهى وهلاتێ ئیراقى و كاركرن ل ههرێما كوردستانێ یا بوویه دیاردهك كو خهلكهك گازندا ژێ دكهن، بتایبهت ژلایێ بازرگانى و مادى و گۆت: ئارمانجا سهرهكى یا ڤان كهسان بو قازانجا وان ب تنێ بوویه، لهورا مه ب زانى ئهم روونشتنهكێ ئهنجام بدهین دگهل رێڤهبهرێن ل نهخوشخانێن تایبهت كاردكهن و نهخوشخانێن حكومى و سهندیكایێن گرێدایێ ساخلهمیێ و رێڤهبهریا ئاكنجیبوونێ ل دهۆكێ.
د.عهبدوللا جاسم دیاركر، چهند رێنمایێن گونجاى كو پتر دخزمهتا وهلاتیێ كوردستانێدا بن بهێنه دركرن و گۆت: مه پرۆژه بریارهك یا ئامادهكرى كو ژ 15 مادا پێكدهێت بو رێكخستنا ئینانا نوشدار و كارمهندێن ساخلهمیێ ژ دهرڤهى وهلاتى ب مهرجهكى مافێ نهخوشا بهێته پاراستن ژوان زانستى و رهوشتێن پێشهیێ تێدا بن و مفا بگههیته نوشدارێن مه ژى بو مهشق و راهێنانا ل ڤێره ئهو نوشدارێن بیانى ب نوشدارێن مه بكهن و ئهو نوشدار و كارمهندا هندهك سالوخهت ههبن كو نوشدارێن مه نه بن یان تایبهتمهندیهكا دهگمهن بیت یانژى گهلهكێ پبَدڤیه بینین.
ههروهسا دیاكر پشتى گهنگهشێ گهلهك خال ههبوون ل سهر رێككهڤتن و ئهوان ژى تێبینێن خوه ههبوون كو دێ هێنه راستڤهكرن و پروژه بریاره دێ هێته گهنگهشهكرن لسهر ئاستێ وهزارهتا ساخلهمیێ ئهگهر مهدیت رهزامهندیا وهزارهتێ ل سهر هاتهكرن دێ هێته هنارتن بو سهروكاتیا پهلهمانى َ كوردستانێ و بیته پروژه بریار و رێنما دێ بو دهركهڤن ژلایێ وهزارهتا ساخلهمیێ.