ل دژى نهخۆشیێن سۆركا و فالنجا زارۆیان ساخلهمی دێ پترى 250 هزار زارۆیێن پارێزگههێ ڤاكسینده
بڕیاره ل دهستپێكا ههفتییا بهێت ساخلهمییا پارێزگهها دهۆكێ ههوهكا بهرفرهها ڤاكسیندانێ دژى نهخۆشیێن سۆركا و فالنجا زارۆیان لسهرانسهرى پارێزگههێ ئهنجام بدهت.
د. سیروان محهمهد ئهسوهد رێڤهبهرێ كاروبارێن خوپاراستنا ساخلهمیێ ل پارێزگهها دهۆكێ راگههاند؛ ژ بۆ پاراستن و دووركرنا زارۆیێن پارێزگههێ ژ نهخۆشیێن فالنجا زارۆیان و سۆركا، دێ ههوهكا ڤاكسیندانێ بۆ ماوهیێ 15 رۆژان بۆ زارۆیان هێته ئهنجامدان، ئهڤ ههوه دێ ل 22ێ ڤێ مههێ دهستپێكهت، بڤێ چهندێ ههموو زارۆیێن ئێك رۆژى تا پێنج سالى دێ ڤاكسینێ دژى فالنجا زارۆیان وهرگرن، ههروهسا ڤاكسینێ سۆركا ژى، زارۆیێن 9 مههى تا 5 سالێ دێ وهرگرن.
رێڤهبهرێ كاروبارێن خوپاراستنا ساخلهمیێ دا زانین، 254 هزار زارۆیێن كێمتر ژ پێنج سالیێ ل پارێزگههێ دێ ڤاكسینێ دژى فالنجا زارۆیان وهرگرن، 216 هزار ژى دێ ڤاكسینێ دژى نهخۆشییا سۆركا وهرگرن.
ناڤهاتى دیاركر، كو دڤێ ههوێ دا دورێن 70 هزار زاریێن ئاواره ل پارێزگههێ دێ ڤاكسینا ناڤهاتى دێ وهرگرن و گۆت: چەندین تیم دێ مال ب مال گهرن بۆ هندێ چو مهترسی لسهر نهخۆشیێن فالنجا زارۆیان و سۆركا لسهر زارۆیێن پارێزگههێ نهمینن.
د. سیروان خویاكر، ئهڤ ههوا ڤاكسیندانێ ساخلهمییا پارێزگههێ ب ههڤكارى دگهل رێكخراوێن WHOو رێكخراوا یونیسیف دێ ئهنجامدهت.