چلیا سەروکێ سەندیکا نوژدارێن کوردستانێ سامان هه‌له‌بچه‌ى ل دهوكێ هاته ساخكرن
هاتیه بلاڤکرن روژا جارشه‌مبێ, 25 شوات 2015 - 1:26am
40 رۆژییا نوژدار سامان هه‌له‌بچه‌ى ل دهوكێ هاته ساخكرن
رێڤه‌به‌ریا گشتى یا ساخله‌میا پارێزگه‌ها دهوكێ 40 رۆژیا ماته‌مینیا نوژدار سامان هه‌له‌بچه‌ى ب ئاماده‌بونا ئه‌ندامێ سه‌ركردایه‌تیا یارتى دیموكراتى كوردستان و ئه‌ندام په‌رله‌مانێن كوردستانێ و هێزا زێره‌ڤانى و هه‌روه‌سان مالباتا وى و دوست وكه‌سانێن نێزیكى وى ساخكرن .
د.نزار عسمه‌ت ریڤه‌به‌رێ گشتی یێ ساخله‌میا پارێزگه‌ها دهوكێ دیاكركو ئه‌ڤرو رۆژه‌كا گرنگ بو ل یادا ماته‌مینیا نوژدار سامان هه‌له‌بچه‌ى ، سه‌ندیكا نوژداران و هه‌موو هه‌ڤال و دوستێن خودێ ژێ رازى ، حه‌ز دكرن 40 رۆژیا وى ل پارێزگه‌ها دهوكێ بهێته گێران ، وگوت ، نوژدار سامان وه‌كو پێشمه‌رگه‌یه‌ك كو گه‌له‌ك جاران وه‌زاره‌تا پێشمه‌رگه‌ى كار ریه و ل به‌روكێن شه‌رى دگه‌ل پێشمه‌رگه‌یان بویه ، هه‌كه ژوى نه‌هاتبا داخازكرن ، ئه‌وژئالیێ خوه مل بملێ پێشمه‌رگه‌ى كاركریه ، نوژدار سامان زحمه‌تا زور دیتیه و دیراتیا وى ژمال هه‌تا بویه نوژدار ، گه‌له‌ك خه‌ون هه‌بو كو خزمه‌تا ساخله‌میێ بكه‌ت دیسان هاولاتیان ژى ، ماوه‌یه‌كێ زور كورت دا شییا ببته سه‌روكێ سه‌ندیكا نوژدارێن كوردستانێ ، رۆژا بویه سه‌روكێ سه‌ندیكایێ چه‌ند ئارمانج دانان ژوان ژى رێز ل نوژدارا بهێته گرتن ، و دووه‌م تشت ژى هه‌موو نوژدار كاربكه‌ن ژبو خزمه‌تا خه‌لكى و گه‌لێ كوردستانێ ، كه‌سه‌كێ راستگو و چاڤ نه‌ترس بویه .
عه‌بدلخالق بابیرى ئه‌ندامێ سه‌ركردایه‌تیا پارتى دیموكراتى كوردستان خویاكركو دگه‌ل پێشمه‌رگه‌ى دا دكاودانێن نه‌خوش دا خزمه‌ته‌كا مه‌زنكریه ، و گوت : نه‌خاسمه ل زانكویێ ئه‌ندامێ چالاك بویه دئاڤاكرنا پارتى دیموكراتى كوردستان دا دناڤ نوژداراندا ، دژییه‌كێ كورت دا ژ ئه‌گه‌رێ نه‌خوشیه‌كا گران گیانێ خوه ژده‌ست دا ، باوه‌ردكه‌م زه‌ره‌كا مه‌زن بو ، بو مه هه‌موو یان ، ده‌ست خوشیێ رێڤه‌به‌ریا گشتى یا ساخله‌میا دهوكێ دكه‌م ، وه‌فاداریه‌كا مه‌زنه بو خودێ ژێ رازى نودار سامان هه‌له‌بچه‌ى و هه‌روه‌سان بو مه هه‌موویان ژى ، ئه‌ڤ نوژداره خه‌لكێ هه‌له‌بچىه بو ، ئه‌م هه‌موو دزانین هه‌له‌بچه دمه‌ژییێ گه‌لێ كوردا چه‌ندێ مه‌زنه ، ئه‌و ژى هوسا ددلێ نوژدارێن دهوكێ دا كه‌سه‌كێ مه‌زن بویه ، به‌رده‌وام هه‌موو دامو ده‌زگه‌هێن ساخله‌میێ دبه‌روكێن شه‌رى دا، نه‌خازم دڤان مه‌هێن داویێ دا كو مه‌هێن سه‌خت بون ل سنورێ پارێزگه‌ها دهوكێ خزمه‌ته‌كا به‌رچاڤ پێشكێشكریه .
د. شانازحامد خێزانا خودێ ژێ رازى دیاكركو سوپاسیا هه‌موو لایه‌نان دكه‌ین وفاوه‌داریاوان ژبیرناكه‌ین ، دبه‌رده‌وامیا ئاخفتنا خوه‌دا هه‌ستێ خوه ب چه‌ند په‌یڤه‌كان ، بو نوژدار سامان هه‌له‌یچه‌ىده‌ربرى و گوت : خوشتڤیێ من ده‌ما من دڤێت ئه‌ز بوته بنڤیسم پێنوسێ من دراوه‌ستیت ، هه‌ست و بیرێن من هه‌موو به‌لاڤه دبن و نزانم چ بوته بنڤیسم ، ئه‌وا دلێ من دا بوته نه‌خشینم ، تو ددلێ من و ده‌رونێ من داى ، تو ئه‌و كه‌س بو كوته ئه‌ز فێركریم چه‌وا بژیم و چه‌وان ژیانا خوه خوش بكه‌م و پێكولێ بكه‌م ، ته ئه‌ز فێركربوم كو هه‌ریا خوراگرو میهره‌بان بم ل سه‌رپێن خوه خو بگرم و به‌رده‌وامیێ بده‌مه ژیانێ ، تو هاریكارێ هه‌ژاران بوى تو قوتابخانه‌كا تژى رامان بو بو دوست هه‌ڤالان ، هه‌ناسامن هه‌تا رۆژا دهێمه ئالیێ ته من هه‌ر بچاڤێ ته دونیا دبینم .
ئه‌ڤ مالپه‌ره فرێکه
