دووڤچوونا بهلاڤبوونا نهخۆشیێن پیستى ل ناڤ ئاواران دێ هێته كرن
پشتى دیاربوونا چهندین حالهتێن نهخوشیێن بهربهلاڤ دناڤ كهمپێن ئاوارهێن سنورێ پارێزگهها دهوكێ، رێكخراوا ساخلهمیا جیهانى و یونسێف ل گهل رێڤهبهریا گشتى یا ساخلهمیا پارێزگهها دهۆكێ كومبوون.
د، نزار عصمت رێڤهبهرێ گشتى ساخلهمیا پارێزگهها دهوكێ دیاركر كو وهسا دیاره چهند نهخوشیێن پیستى دناڤ ئاوارێن ل ناڤ كهمپان دا بهلاڤبووینه و گۆت: مه ل رێڤهبهریا گشتى ساخلهمیا پارێزگهها دهوكێ ب فهرى زانى دگهل رێكخراوێن یونسێف و ساخلهمیا جیهانى و چهند نوشدارێن تایبهتمهند كوم ببین و پێداچونهكێ د وان دهنگوباسا و ههبوونا ڤان جوره نهخوشیا بكهین, دیاركر ژى لدووڤ داتا و دووڤچوونا رێڤهبهریا ساخلهمیێ دیاردبیت كو هندهك نهخوشیێن گوریبوونێ و سپها دناڤ هندهك كهمپا دا پهیدابووینه.
د.نزار عصمهت دیاركر ژى رێژا وان نهخوشیان نهگههشتیه وى شێوهى كو گهلهك بهربهلاڤ ببن و گۆت: ههمى شیانێن خوه دێ ب هێز ئێخین ژبو دووڤچونا ڤان نهخوشا و دهستنیشانكرنا وان و دابینكرنا چارهسهریا پێدڤى.
ژلایێ خوه ڤه داخوازى ژ ههردو رێكخراوێن ناڤبرى كر ژبو چارهسهریا پێدڤى و پێنگاڤێن خوه خورتر بكهن ژبو هشیاركرنا ههمى تهخێن جڤاكى و دابینكرنا پێداویستیا بو چارهسهریا ڤان نهخوشییا.