خۆپاراستنا ساخلهمیێ: 100%ێ پلانا ڤاكسیندانا زارۆیان یا سهركهڤتى بوو
خۆپاراستنا ساخلهمیێ: 100%ێ پلانا ڤاكسیندانا زارۆیان یا سهركهڤتى بوو
رێڤهبهرێ كاروبارێن خۆپاراستنا ساخلهمیێ ل پارێزگهها دهۆكێ راگههاند؛ پلانا ههوا ڤاكسیندانا سوركا و فالنجا زارۆیان 100%ێ یا سهركهڤتى بوو.
د. سیروان محهمهد ئهسوهد دیاركر، لپهى وى بهرنامهیێ ل پارێزگهها دهۆكێ هاتیه دانان بۆ ههوا ڤاكسیندانێ یا ب ل بهرى نهورۆزێ برێڤهچووى بۆ ماوهیێ 15 رۆژان، 100%ێ یا سهركهڤتى بوو، ئاماژهكر دڤێ ههوێدا پترى 256 هزار زارۆیان ڤاكسینا فالنجا زارۆیان وهرگرت، ههورهسا 209 هزاران ژى ڤاكسینا سوركا وهرگرت.
سهبارهت زارۆیێن ئاواره و پهنابهران ژى ناڤهاتى گۆت: ڤێ ههوێ ههموو زارۆیێن كێمتر ژ 5 سالیێ بخوهڤه دگرتن، كو تێدا زێدهتر 57 هزار زارۆیێن ئاوارهن ڤاكسینا فالنجا زارۆیان وهرگرت، 48 هزاران ژى ڤاكسینا سوركا وهرگرتیه.
رێڤهبهرێ كاروبارێن خۆپاراستنا ساخلهمیێ دا زانین ژى، كو ل 12ى مهها نیسانێ گهرا دووێ ژ ههوا بهاری یا ڤاكسیندانێ ل دژى نهخۆشییا فالنجا زارۆیان دێ دهستپێكهت.