ساخله‌میا دهۆكێ و رێكخراوێن بیانى پلانا خوه‌ بۆ هاتنا ئاوارێن نوو رادگه‌هینن

ساخله‌میا دهۆكێ و رێكخراوێن بیانى پلانا خوه‌ بۆ هاتنا ئاوارێن نوو  رادگه‌هینن
پێشبینى دهێته‌ كرن هژماره‌كا دى یا خه‌لكى ئاواره‌ى پارێزگه‌ها دهۆكێ ببن، رێڤه‌به‌ریا گشتى یا ساخله‌میا پارێزگه‌ها دهۆكێ ل گه‌ل دۆرێن 20 رێكخراوان كۆمبوو و خواست پشته‌ڤانیێ ل پلانا وان بكه‌ن داكو چو نه‌خوشى به‌لاڤ نه‌بن.
د.نزار عسمه‌ت، رێڤه‌به‌رێ گشتى یێ ساخلله‌میا دهۆكێ دیاركر كومبون دگه‌ل ڤان رێكخراوا هاته‌ كرن و داكو بزانن ره‌وشا ساخله‌میێ ل چ ئاسته‌ و چ خزمه‌ت بو ئاوارا و په‌نابه‌را بهێته‌كرن، و گۆت: روونشتنا ئه‌ڤرۆ یا تایبه‌ت بوو ل دۆر چه‌ند بابه‌تان و  بابه‌تێ ئێكێ هه‌كه‌ هنده‌ك خه‌لكێ نوو ژ ده‌وروبه‌رێن مویسل و ده‌ڤه‌رێن دیتر قه‌ستا كوردستانێ كرن كا چ بهێته‌ كرن و  چاوا به‌رهه‌ڤیا بكه‌ین، و گۆت: پلانه‌ك هاتیه‌ دارشتن ژ بو هندێ یه‌ كو ئه‌م د به‌رهه‌ڤ بین ده‌مێ هه‌ر روودانه‌ك په‌یدا دبیت.
دیاركر ژى بۆ خوئاماده‌كرنێ هه‌ر ژ نوكه‌ تیمێن ساخله‌میێ هاتینه‌ پێكئینان و پێدڤیێن بنگه‌هێن ساخله‌میێ ب به‌رفره‌هتر دێ هێنه‌ دابینكرن و ترۆمبێلێن ڤێراگه‌هشتنێ و تیمێن هه‌وارهاتنێ ژى به‌رده‌وام دێ دخزمه‌تێ دابن و هنده‌ك تیمێن به‌رده‌وام دى ل ناڤ ئاوارا هه‌بن.
د.نزار عصمه‌ت، دیاركر ژى ئه‌و پێشبینیێ دكه‌ن هاڤینا ئه‌ڤ ساله‌ یا دژواربیت، چونكى دێ یا درێژ بیت ژبه‌ركو نوكه‌ پتر ژ 22 كه‌مپا هه‌نه‌ و هه‌مى ژى پێدڤى ب خزمه‌تێن ساخله‌میێ نه‌ و گۆت: مه‌ چه‌ندین ده‌ڤه‌رێن نوو ئازادكرى هه‌نه‌ و ئه‌وژى پێدڤى ب خزمه‌تێن ساخله‌میێ نه‌ و بناغێ ساخله‌میێ ل وان ده‌ڤه‌را یێ لاوازه‌ تڤیا ئه‌م وان خزمه‌تا بگه‌هیننێ، و ئه‌م و نڤیسینگه‌ها نه‌ینه‌وا ل دهۆكێ ل گه‌ل رێكخراوا ل سه‌ر خالێن ڤان كومبونا رێككه‌فتین داكو بشێین باشتر خزمه‌تا پێش پێش بكه‌ین.
محه‌مه‌د حه‌ماشه‌، به‌رپرسێ رێكخراوا ساخله‌میا جیهانى ل دهۆكێ دیاركر وه‌ك هه‌ماهه‌نگى دگه‌ل رێڤه‌به‌ریا ساخله‌میا دهۆكێ و رێڤه‌به‌ریا ساخله‌میا  یا مویسل و هه‌مى رێكخراوێن نیڤ ده‌وله‌تى دێ كاركه‌ت ژبو گه‌ره‌نتیكرنا پلانه‌كا گونجایى یا ئاماده‌باشێ ئه‌گه‌ر هات و گه‌له‌ك خه‌لكێ دى هاته‌ ده‌ڤه‌را دهوكێ ئه‌و بشێن پێشوازیێ بكه‌ن وبه‌شداریكرنا وان دچاره‌سه‌ریا دێ بیته‌ بو هندێ ئه‌و خو ئاماده‌ بكه‌ن وپ شته‌ڤانیا هه‌ردو رێڤه‌به‌ریا بكه‌ن ب ده‌رمانا و هاندانا كارمه‌ندا و لێگه‌ریان ل نه‌خوشیا و ده‌ستنیشانكرنا نه‌خوشییا و خوپاراستن ژ نه‌خوشیا و ڤاكسیندانێ ب هه‌ماهه‌نگى دگه‌ل یونیسێڤێ و ساخله‌میێ هه‌مى زارۆیێ، ل ژێر پێنج سالیێ بهێنه‌ ڤاكسیندان.