ل دهۆكێ رۆژا جدیهانى یا ئوتیزمێ هاته‌ ساخكرن

سه‌نته‌رێ ساخله‌میا ده‌روونى سه‌ر ب رێڤه‌به‌ریا گشتى یا ساخله‌میا پارێزگه‌ها دهۆكێ رابوو ب ساخكرنا رۆژا جیهانى یا نه‌خۆشیا ئوتیزمێ.
د. عه‌بدولباقى مایى، تایبه‌تمندى نه‌خۆشیێن ده‌روونى دیاركر كو ئوتیزم نه‌خۆشیه‌كا درێژ خایه‌نه‌ ل سه‌ر زاروكا دیار دبیت و توشى هه‌ردوو ره‌گه‌زا دبیت، ئه‌ڤ نه‌خوشیه‌ یابه‌رده‌وامه‌ دگه‌ل زارۆیى تا دمریت و تانوكه‌ زانست نه‌شیایه‌ بنبر بكه‌ت كارتێكرنێ ل سه‌ر وه‌رارا زارۆیى دكه‌ت و نه‌شێت په‌یوه‌ندیێ دگه‌ل ده‌وروبه‌رێن خوه‌ ئاسایى بكه‌ت، دیاركر ژى نه‌خۆشێ ئوتیزمێ وه‌ك زارویێن ئاسایى د هه‌مى لڤینا ناگه‌هیت و سیسته‌مه‌كێ تایبه‌ت هه‌یه‌ و گۆتژى: ئوتیزم دهێته‌ هژمارتن ئێك ژ نه‌خوشیا و بسپورێن خو هه‌نه‌ و دشێن سه‌ره‌ده‌ریێ دگه‌ل نه‌خوشا بكه‌ن، ژ وانژى وه‌ك په‌روه‌ردا تایبه‌ت جڤاكناس و ده‌رونناس ب مخابینى ڤه‌ گه‌له‌ك دبێژن ئه‌ڤه‌ نه‌ نه‌خوشیه‌، چ جوره‌ چاره‌سه‌رى نینن كو ساخ بن لێ هه‌ر ئاریشه‌كا بو په‌یدا دبیت سه‌ره‌ده‌ریا خو هه‌یه‌ و نه‌خوشیه‌كه‌ ناڤێ خویێ هه‌یى، نوشدارێن تایبه‌تمه‌ندێن ڤێ نه‌خوشیێ د زانن به‌رنامه‌یه‌كێ تایبه‌ت بو دانن.