ل روژا جیهانیا ساخله‌میێ : ساخله‌میا پارێزگه‌ها دهوكێ دوو پروژێن گرنك ڤه‌كرن
هاتیه بلاڤکرن روژا پێنج شه‌مبێ, 9 نيسان 2015 - 12:02am
ب ئامادبونا فه‌رهاد ئه‌تروشى پارێزگه‌هێ دهوكێ ود. نزار عسمه‌ت رێڤه‌به‌رێ گشتى ساخله‌مییا دهوكێ وچه‌ند رێڤه‌به‌رێن نه‌خوشخانا و چه‌ند كه‌سێن په‌یوه‌ندیدار ئه‌ڤرو پشكا چاڤدێریا چر و بنگه‌هێ ساخله‌مییا ده‌ستپێكى یێ نزاركێ ڤه‌كرن ژبو خزمه‌تكرنا نه‌خوشێن دهوكێ و ده‌روبه‌را .
فه‌رهاد ئه‌تروشى پارێزگه‌هێ دهوكێ گوت : ئه‌ڤره وه‌ك ساخكرن بو روژا ساخله‌مییا جیهانى چه‌ندێن جهێن ساخله‌میێ ل پارێزگه‌ها دهوكێ هاتنه ڤه‌كرن ئه‌وژى پشكا چاڤدێریا چر و هولا نشته‌رگه‌ریا ب نویترین ته‌كنولیژیا سه‌رده‌مانه تێدا هاتینه ب كارئینان و بنگه‌هێ ساخله‌مییا ده‌ستپێكى ل تاخێ نزاركێ ملیاره و چارسه‌د ملیون دینارێن ئیراقى و ئه‌و هه‌ردوو پروژێن دى نێزیكىسێ تا چار ملیار دینار لێ هاتینه مه‌زاختن ,كار تێدا هاتیه كرن ژلایێ رێڤه‌به‌ریا گشتى ساخله‌مییا دهوكێ ڤه هاتیه ئه‌نجام دان , ئه‌ڤ كاره هه‌مى ژبو خزمه‌تكرنا خه‌لكیه دبێژیت : چه‌ند سه‌نته‌ر دناڤا باژێریدا بهێنه ئاڤاكرن دێ بارسڤكى بیت بو نه‌خوشخانا ونێزیكبونا خه‌لكى بو ڤان سه‌نته‌را دێ مڤایێ وان بیت , لڤێره هیڤیدارین خه‌لك دهاریكار بن ژبو راگرتنا ڤان سه‌نته‌را بره‌نگه‌كێ جوان باقژ بهێنه پاراستن , سوپاس بو هه‌مى كارمه‌ندێن ساخله‌میێ وبه‌لێنده‌رى كو كاره‌كى جوان وژێهاتى كریه , هیڤیه به‌لێنده‌رێن دى چاڤ لێ بكه‌ن , ئه‌ڤرو روژا ساخله‌مییا جیهانیه كو خه‌لكێ مه چاڤێ وان ل وان كار وچالاكیا بیت یێن وه‌زاره‌تا ساخله‌میێ و رێڤه‌به‌ریا ساخله‌میێ ژبو ساخله‌میه‌كا باشتردا وه‌لاته‌كێ خوشتر و ژیانه‌كا به‌خته‌وه‌رتر بو مه هه‌میا هه‌بیت .
د. نزار عسمه‌ت رێڤه‌به‌رێ گشتى ساخله‌مییا پارێزگه‌ها دهوكێ گوت : سوپاس بو جه‌نابێ پارێزگه‌هێ دهوكێ كو ئه‌ڤرو ژ وه‌ختێ خو دایه مه ل ڤێ هه‌لكه‌ڤتێ , وه‌ك یا دیار كو خه‌لكه‌كێ زور گله و گازنده ژ چاڤدێریا چر هه‌بو ل نه‌خوشخانا ته‌نگاڤیا لێ ئه‌ڤرو ب دیزانه‌كێ ۆزور مودرن هاتیه ئاڤاكرن و دێ خزكه‌ته‌كا باش بو خه‌لكى بیت و دێ رێژا نه‌خوشێ مرنێ زور كێم بیت , هه‌وه‌سا 3 هولێن نشته‌رگه‌ریا زور باش بو نشته‌رگه‌رێن مێشكى و هه‌ستیا ب ئامیرێن زور سه‌رده‌مانه ل نه‌خوشخانا ته‌نگاڤیا , دیارك ركو سه‌نته‌رێ ژبو چاڤدێریا ساخله‌مییا ده‌ستپێكیه ل تاخێ نزاركێ ژبو هه‌مى خزمه‌تێن ده‌ستپێكى و نوشدارێن ژن و زاروكا و زه‌لاما وسونه‌ر و تاقیگه‌ه و تیشك دێ بارگرانیا لسه‌ر نه‌خوشخانا كێم كه‌ته‌ڤه .
ئه‌ڤ مالپه‌ره فرێکه
