سهنتهرهكێ تایبهت بو نهخۆشێن تهلاسیمیا وهیموفیلیا دێ هێته ئاڤاكرن
ب ههلكهفتا رۆژا جیهانى یا نهخۆشیا هیموفیلیا، رێڤهبهریا گشتى یا ساخلهمیا پارێزگهها دهۆكێ و كومهلا هیموفیلیا كوردستان لقى دهۆك و ب ئامادهبوونا بۆتان محسن قایمقامێ قهزا دهۆكێ، رابوون ب ساخكرنا رۆژا ناڤبرى.
د.نزار عسمهت، رێڤهبهرێ گشتیێ ساخلهمییا پارێزگهها دهوكێ دیاركر كو ههولێن وهزارهتا ساخلهمیێ و رێڤهبهریا گشتى یا ساخلهمیا پارێزگهها دهۆكێ دبهردهوامن كو بشێن چارهسهریا ڤان نهخوشیا بكهن و گۆت: ههر نهخوشیهكێ ل گورهى وێ چارهسهرى بو دهێته دان و پشتهڤانیا خێزانێن نهخوشا دهێته كرن تاكو بشێن زاروكێن خو چاره بكهن.
د.نزار عسمهت دیاركر كو د پلانا ساخلهمیا پارێزگهها دهوكێ دایه ل سهنتهرهك بو نهخۆشێن تهلاسیمیا و هیموفیلیا بهێته دروستكرن و دێ پتر خزمهتا وان هێتهكرن و گۆت: بهردهوام ڤان نهخوشا ئازار ههبووینه بو چارهكرنا وان هندهك جارا كێماسیا دهرمان و پێدڤیان ههبوویه و سهرهراى ڤێ قهیرانى ههولێن مه ب دبهردهوامن ئهم وهك حكومهت بو پروژێن گهشهپێدانێ ههروهسا گهشهكرنا دوارێ ساخلهمیێ دا هاریكاریا نهخۆشبان بكهن.
ئهمین حهجى، سهرۆكێ كومهلا هیموفیلیا لقا دهوك دیاركر كو پێدڤیه دایك و بابێن نهخوشا باوهرى ب ڤێ قهدهرێ ههبیت و لڤێره ئهڤ زاروكه هێزێ ژ وان وهردگرن و خواست ههمى دایباب بو زاروكێن كو پشتهڤان بن و ههوهرسا ل دووڤ رێنمایێَن نوشدارێن تایبهتمهند ب دروستى كاربكهن داكو بوارێ نهخۆشێن خوه سڤك بكهن.