لقێ ئێكێ پارتى 19 ئامیره‌ پێشكێشى ساخله‌میا دهۆكێ كرن

ژبۆ پتر خزمه‌تكرنا كه‌رتێ ساخله‌میێ دبیاڤێ ئه‌ڤرۆ دا و هاریكاریكرنا بریندار و نه‌خۆشان، لقێ ئێكێ پارتى دیموكراتى كوردستان 19 ئامیرێن ئایزوفلوراین كو د تایبه‌تن ب بێهوشكرنێ و بۆ نشته‌رگه‌ریان دهێنه‌ ب كارئینان، پێشكێشى رێڤه‌به‌ریا گشتى یا ساخله‌میا پارێزگه‌ها دهۆكێ كرن.
ئه‌ندازیار عه‌بدولحه‌مید فه‌تاح، به‌رپرسێ پشكا ئامیرێن پزیشكى ل رێڤه‌به‌ریا نه‌خۆشخانا ته‌نگاڤیان بۆ رۆژناما ئه‌ڤرۆ دیاركر كو مفایه‌كێ مه‌زن ژ ئامیرێن ناڤبرى دوارێ نشته‌رگه‌ریان دا هێته‌ وه‌رگرتن و گۆت: 10 ژوان ئامیران بۆ سنورێ پارێزگه‌ها دهۆكێ نه‌خوشخانێن ( زارۆبوون و ته‌نگاڤیان و سۆتنێ) هاتنه‌ ته‌رخانكرن و شه‌ش ژى بۆ نه‌خۆشخانێن قه‌زا زاخۆ و سێ ژى بۆ قه‌زا ئاكرێ هاتنه‌ هنارتن.