140 كورسى ل سه‌ر په‌ككه‌فتیێن ئاواره ل شێخان هاتنه به‌لاڤكرن
هاتیه بلاڤکرن روژا سێ شه‌مبێ, 21 نيسان 2015 - 8:30am
ب چاڤدیرَیا ئیسماعیل مسته‌فا، قایمقامێ قه‌زا شێخان رێڤه‌به‌ریا گشتى یا ساخله‌میا پارێزگه‌ها دهۆكێ و چاڤدێریا جڤاكى رابوون ب دابه‌شكرنا 140 كورسیێن تایبه‌ت ب په‌ككه‌فتیان ل سه‌ر ئاواران ل ده‌ڤه‌را شێخان.
درێ و ره‌سمان دا كو عه‌لى عه‌ونى به‌رپرسێ لقێ 20 یێ پارتى دیموكراتى كوردستان ئاماده‌بوو، قتیمقامێ قه‌زا شێخان دیاركر كو به‌لاڤكرنا كورسییان ل سه‌ر په‌ككه‌فتیێن ئاواره نیشانا گرنگیدانا ده‌زگه‌هێن حكومه‌تا هه‌رێما كوردستانێ یه ب خودان پێدڤیێن تایبه‌ت و ئاوارا و دیاركر ژى ده‌زگه‌هێن حوكمه‌تێ چو كه‌مته‌ر خه‌مى د خزمه‌تكرنا ئاواران دا نه‌كریه و دهه‌موو واره‌كى دا پێدڤیێن وان دهێنه دابینكرن.
د.خه‌یرى خدر سڤو، رێڤه‌به‌رێ ساخله‌میا شێخان دیاركر ئه‌و ب هاریكاریا رێڤه‌به‌ریا گه‌شه‌پێدانا جڤاكى ل شێخان راببوون ب ده‌ستنیشانكرنا كه‌سێن پێدڤى ب كورسییان هه‌ى و گۆت: پشتى هژمارا وان گه‌هشتیه 140 په‌ككه‌فتى و خودان پێدڤیێن تایبه‌ت ئه‌وان داخوازى پێشكێشى رێڤه‌به‌ریا گشتى یا ساخله‌میا پارێزگه‌ها دهۆكێ كرن و ب سوپاسیڤه بۆ هاتنه دابینكرن.
ئه‌ڤ مالپه‌ره فرێکه
