ل دهۆكێ حهفتیا جیهانى یا ڤاكسیندانێ هاته ساخكرن
ب ههلكهفتا حهفتیا جیهانى یا ڤاكسیندانێ، ساخلهمیا دهۆكێ ب ههڤكاریا رێكخراوا یونسێف هژمارهكا چالاكیان ل دهۆكێ ئهنجامدان و قارهمانیهكا تهپا پێ ل پهروهردا رۆژئاڤا دهستپێكر.
د. لوما حازم، بهرپرسا چاڤدێریا دایك و زارۆیان ل رێڤهبهریا كارۆبارێن خوپاراستنا ساخلهمیێ دیاركر كو بهردهوام 77 بنگههێن ساخلهمیێ ل گهل 40 تیمێن گهرۆك ل سهرانسهرى پارێزگهها دهوكێ ب كارێ ڤاكسیندانێ رادبن و ئارمانجا سهرهكى ژ كارێ وان گههاندنا ڤاكسینێ یه بو ههمى زاروكا تایبهت زاروكێن ژیێ وان بن 5 سالیدا و گۆت: پێدڤیه دایك و باب بزانن نه زاروكێن وان نه ب تنێ ل روژێن ئێكێ پێدڤى ب ڤاكسینا ههیه، بهلكو ل دووڤ خشتهكێ رێك و پێك و ههتا ژیێ وى دبیته 5 سال پێدڤیه گرنگیێ ب ڤاكسیندانێ بكهن.
دیاركر ژى كو رێژا ڤاكسیندانا رۆتینى گهلهك جارا كێم دبیت و هندهك جارا دبیته 80% ، لهورا دبێژینه دایبابان سهرهراى ههوێن ڤاكسیندانێ پێدڤیه گرنگیێ ب ژڤانێن خشتێ ڤاكسیندانێ ژى بكهن، داكو ب دروستى زارۆیێن وان بهێنه پاراستن.
حهمزه رهزیكى، بهرپرسێ راگههاندنا ساخلهمیا دهۆكێ دیاركر كو ب ههلكهڤتا حهفتیا ڤاكسیندانێ چهندیم چالاكى ههنه ژوانژى قارهمانیهكا تهپا پێ بۆ قوتابخانێن بنهرت و بۆ دهمێ سێ رۆژان كهمپینه ل ههموو كهمپان دێ هێنه دانان و دو رۆژێن دووماهیێ ژى ژ حهفتیێ ل ناڤ سنورێن ههموو قهزایان كهمپینه دێ ههبن و ل 13 بنگههێن ساخلهمیێ ژى دێ سمینار هێنه پێشكێشكرن و گۆت: مهرهما مه یا سهرهكى ئهوه كو هشیارى و روشنبیریا ساخلهمیێ ل دۆر ڤاكسیندانێ بهلاڤهببیت..