پتر 20 دهزگههێن حكومى دێ بهرهنگاریا كولێرایێ كهن
پترى بیست دهزگههێن حكومى ژ قایمقامى و رێڤهبهریێن پهیوهندیدار و رێكخراوێن نێڤدهولى ب سهرپهرشتیا هاریكارێ پارێزگهرێ دهۆكێ ل ساخلهمیا دهۆكێ كۆمبوون ژبۆ بهرهنگاریا نهخۆشیا كولێرایێ.
ئیسماعیل محهمهد، نوونهرێ پارێزگهرێ دهوكێ دیاركر كو ل سهر فهرمانا پارێزگارێ دهۆكێ لیژنا بلندا بهرهنگاریا نهخۆشیا كولێرایێ هاته پێكئینان و گۆت: ئهڤ لیژنه سالانه پێكدهێت، لێ ئهڤ ساله رهوشهكا تایبهت یا ههى، لهورا ب ئامادهبوونا ههموو قایمقام و رێڤهبهرێن گشتى و رێكخراوێن نێڤدهولى یێن پهیوهندیدار ۆمبوون ل ساخلهمیا دهۆكێ هاته ئهنجامدان و پلان یا هاتیه دانان ژلایێ ساخلهمى، ژینگهه، ئاڤ و ئاڤا دهوروبهرا بو چهوانیا بههنگاریبوونا ڤێ نهخوشیێ دوهرزێ هاڤینێ دا كو وهك ههر سال كو پارێزگهها دهوكێ بو چهندین ساله یا ڤالایه ژڤێ نهخوشیێ و چهندین نهخوشیا و دێ بزاڤ هێتهكرن كو ڤان جوره نهخوشیا كونترول بكهین و كارگێریا پارێزگهها دهوكێ دێ یا پشتهڤان و هاریكاریا ههمى لایهنا بیت بو دهستڤهئینانا ئارمانجا خوه.
د.نزار عسمهت، رێڤهبهرێ گشتیێ ساخلهمیا پارێزگهها دهوكێ دیاركر كو وان ب گرنگى زانى ئهڤ ساله زوو دهست ب بهرههڤكاریان بكهن و گۆت: ئهگهرێ زوو دهست ب كاركرنێ ڤهدگهریت ژبهركو چهند مهترسى ل سهر پارێزگهها دهۆكێ ههنه، ژوانژى ههبوونا رێژهكا زور یا ئاوارا و ههموو دناڤ كهمپان دا ئاكنجینه و وهكو پێدڤى ئاڤ و خوارن و پاقژى ب شێوێن ساخلهم ناگههنه وان و ئهڤه دبنه ئهگهر كو مهترسى زێدهببن بو بهربهلاڤبوونا ڤان نهخوشیا.
د.نزار عسمهت ئهوژى دیاركر كو پلانهكا گونجاى هاتهدارشتن بو بهرهنگاربوونا ڤان جوره نهخوشیان ورێكخراوێن نێڤدهولى ژى پشتهڤانیا خوه دیاركریه و گۆت: پار و ئهڤساله چو حالهتێن نهخوشیا كولێرایێ ل پارێزگهها دهۆكێ تومار نهبووینه و هیڤیا مه ئهوه ل هاڤینا ئهڤ ساله ژى بشێین كونترۆل بكهین.