ئێکەم سه‌نته‌رێ ساخله‌میێ كوردى – هوله‌ندى ل ئه‌ڤرۆ ستى هاته ڤه‌كر
هاتیه بلاڤکرن روژا پێنج شه‌مبێ, 7 گولان 2015 - 12:19am
ب چاڤدێ یا پارێزگه‌رێ دهۆكێ و ب ئاماده‌بوونا د.عه‌لى سندى وه‌زیرێ پلاندانانێ ل حوكمه‌تا هه‌رێما كوردستانێ و قونسلێ هوله‌ندا و عه‌بدولخالق بابیرى به‌رپرسێ لقێ ئێكێ پارتى، ئێكه‌م سه‌نته‌رێ نوشداریا خێزانێ كوردى – هوله‌ندى ل ئه‌ڤرۆ ستى هاته ڤكرن.
د. ره‌جه‌ب حه‌سه‌ن، به‌رپرسێ سه‌نته‌رێ ناڤبرى دیاركر كو ل هه‌موو جیهانێ ل سه‌ر بنیاتێ نوشداریا خێزانێ سیسته‌مێ ساخله‌میێ دهێته پیڤان و گۆت: ب رێژا 70% نه‌خۆش ل ڤان جوره بنگه‌ها دهێنه چاره‌سه‌ركرن.
پارێزگارێ دهۆكێ، فه‌رهاد ئه‌مین ئه‌ترووشى دیاركر كو ئه‌ڤ سه‌نته‌ره تشته‌كێ نوویه ل كوردستانێ وه‌كو سیسته‌مێ ساخله‌میێ و گۆت: مۆدێله‌كێ نوو یێ سه‌نته‌رێن ساخله‌میێ كوردى - هوله‌ندى ل كۆمه‌لگه‌ها ئه‌ڤرۆ سیتى جهێ دل خۆشیى یه، سوپاسیا هه‌موو لایه‌نێن پشته‌ڤان و قونسلى هوله‌ندا كر بۆ هندێ ل دهۆكێ ڤى سیسه‌مى ب كاربینن.
چون ڤاندیر زانده، قونسلێ وه‌لاتى هوله‌ندا دیاركر ئه‌ڤ جۆره پرۆژه وێ چه‌ندێ نیشادده‌ن كو په‌ێوه‌ندیه‌كا بهێز هه‌یه دناڤبه‌را هه‌رێما كوردستانێ و وه‌لاتێ هوله‌ندا و گۆت: ئه‌ڤه نموونه‌كه كو ره‌ڤه‌ندا كوردى ل هوله‌ندا شیایه په‌یوه‌ندیان خورتر لێ بكه‌ت و ئه‌ز دشێم بێژم مه باشترین سیسته‌مێ ساخله‌میێ ل جیهانێ یێ هه‌ى و ئه‌م شانازیێ ب وێ چه‌ندێ دبه‌ین ئه‌م شیان بنگه‌هه‌كێ وه‌سا ل هه‌رێمێ ڤه‌كه‌ن هیڤدارم هه‌موو سه‌ركه‌فتى بن هون ل ڤیرى ئاماده‌بووینه ئه‌م دێ وى مسجه‌كێ گه‌هینینه به‌رپرسین خوه ل وه‌لاتێ هوله‌ندا و دێ هه‌ولده‌ین ڤى پرۆژه‌ى به‌ره‌فره‌هتر لێ بكه‌ین و دێ ته‌ماشه كه‌ین كا چ ده‌لیڤه‌كا دى هه‌یه ڤى نموونه‌ى مه‌زنتر لێ بكه‌ن وهه‌ول بده‌ین هنده‌ك پرۆژه‌یێن وه‌سا ل هنده‌ك جهێن دى یێن هه‌رێما كوردستانێ ڤه‌كه‌ن.
ئه‌ڤ مالپه‌ره فرێکه
