نوشدارێ قوقلك بو جارا ئێكێ گوهورى هاته خه‌لاتكرن
هاتیه بلاڤکرن روژا جارشه‌مبێ, 13 گولان 2015 - 1:01pm
پێشڤه‌چونا زانستا نوشدارى یا به‌رده‌وامه و هه‌ر ده‌م زانست پێدڤیه دخزمه‌تا مروڤایه‌تێدا بیت له‌ورا پێدڤیه نوشدارێن مه‌ژى خو بگونجینن و دگه‌ل ڤان پیپَشڤه‌چونا كار بكه‌ن و ساخله‌مییا خه‌لكێ كوردستانێ بوخو بكه‌نه ئارمانج .
د.نزار عسمه‌ت رێڤه‌به‌رێ گشتى ساخله‌مییا پارێزگه‌ها دهوكێ گوت : ئه‌ڤرو جهێ سه‌رفیرازییه كو ئه‌م د. لاوین خه‌لات بكه‌ین ژبه‌ر بو جارا ئێكێ یه ل نه‌خوشخانا ته‌نگاڤیا ل دهوكێ رابویه ب ئه‌نجامدانا نشته‌رگه‌ریه‌كا گوهورینا قوقلكا پێى سه‌ركه‌ڤتیانه كه‌سێن وه‌كى وى جهێ رێزلینانێ نه , هیڤى خوازم كو نوشدارێن تازه ده‌ردچن و یێن بسپور چاڤ ل نوشدارى هه‌ڤالێن وى داكو ئه‌م بشێن ئاستێ خزمه‌تێن ساخله‌میێ باشتر لێ بكه‌ین .
د.لاوین عمر گوت : ئه‌ز دگه‌ل تیمێ هولا نشته‌رگه‌ریا نه‌خوشخانا ته‌نگاڤیا ئه‌م شیایین بو جارا ئێكێ نشته‌رگه‌ریا گوهورینا قوقلكا پێى ته‌مام بو نه‌خوشه‌كى كو ژیێ وى 46 سالى خه‌لكى ده‌ڤه‌را شنگالێ بو كو نوكه پونابه‌ر و ل نه‌خوشخانى یێ نه‌خوش بو , ئه‌ڤ نشته‌رگه‌ریه ب ئه‌نجامه‌كێ باش سه‌ركه‌ڤتى بو , لڤێره من دڤێت بێژم و مزگینێ بده‌مه خه‌لكێ دهوكێ كو ژ ئه‌ڤرو پێڤه دشیاندایه ڤان جوره نشته‌گه‌ریا ل نه‌خوشخانا ته‌نگاڤیا ل دهوكێ ئه‌نجام بده‌ین كو پێدڤى ب ده‌رڤه‌ى وه‌لاتى نه‌بن .
ئه‌ڤ مالپه‌ره فرێکه
