50 زارۆیێن په‌حه‌نیا ده‌ڤێ وان ڤه‌كرى هاتنه نشته‌گه‌رى كرن
هاتیه بلاڤکرن روژا دوو شه‌مبێ, 18 گولان 2015 - 8:26am
دپرس كونفرانسه‌كێ دا دۆهى 17/5 ل نه‌خۆشخانا هیڤى یا زارۆیان شاندێ نوشدارێن ئیتالیى سه‌ركه‌ڤتنا 50 نشته‌گه‌ریێن زكماكێ بۆ په‌حه‌نى و سه‌روچاڤیێن زارۆیان راگه‌هاندن وهاته دیاركرن كو سه‌نته‌ره‌كێ تایبه‌تمه‌ند بۆ چاره‌سه‌ریا ئاریشین زكماكێ یێن زارۆیان دێ سه‌ر ئاستى رۆژهه‌لاتا ناڤیێن ل دهۆكێ هێته دروستكرن , ل داویێ شاندێ مێڤان هاتنه خه‌لاتكرن ژلایێ كارگێریا نه‌خوشخانا ناڤبرى ڤه .
د. ئازاد عبدالجبار هاریكارێ رێڤه‌به‌رێ نه‌خۆشخانا هێڤێ یا زارۆیان دیاركركو ب هه‌ڤكاریا شانده‌كێ نوشدارێن ئیتالیى 30 نشته‌گه‌رێ ل نه‌خۆشخانا هێڤێ یا زارۆیان بۆ وان زارۆیان هاتینه ئه‌نجامدان یێن زكماكى دا ئاریشه ل ده‌ڤى وان هه‌ین و دۆرین 100 زارۆیان ماینه وهنده‌ك ژوانا ژى پێدڤێ نشته‌گه‌ریان نینن ویێ پێدڤى بیت دێ جارێن بهێت چاره‌سه‌ریا وان هێته كرن به‌رى نوكه ژى شاندى نوشدارێن ئیتالیى 20 زارۆ نشته‌گه‌رى كرینه.
د. روبیرتوو كارزینى سه‌رۆكێ شاندى نوشدارێن ئیتالیى دیاركركو ئه‌ڤه سیه‌مێن جارا سه‌را هه‌رێما كوردستانێ ده‌ن وجارا دویێ قه‌ستا پارێزگه‌ها دهۆكێ دكه‌ن هه‌ر جاره‌كا ئه‌م هاتینه كوردستانێ پتر باوه‌رى ب شاندى دروست بوویه وهه‌ڤالێن شاندى هه‌ر جار هه‌ڤكار و ئاماده‌نه قه‌ستا كوردستانێ بكه‌ن. ئه‌م ژى مفایى سه‌ربورا نوشدارێن هه‌رێما كوردستانێ وه‌ردگرین كو 150 نه‌ساخ هاتنه دیتن دۆرین 50 زارۆیان هاتنه نشته‌گه‌ریكرن كو ژوانا ژى 20 زارۆ به‌رى نوكه هاتبوونه نشته‌گه‌ریكرن
د. روبیرتوو كارزینى گۆت هه‌موو ژى ئه‌و نه‌ساخن یێن په‌حه‌نیا ده‌ڤێ وان ڤه‌كرى وئاریشه ل سه‌ر وچاڤێن وان هه‌ى د زكماكێ دا دى به‌رده‌وام بن بۆ چاره‌سه‌ركرنا نه‌ساخان، ئه‌و نه‌ساخێن چاره‌سه‌ریا وان ل هه‌رێمێ نه‌بیت مه ل به‌ره چاره‌سه‌رى بۆ وان ببینن ل پاشه‌رۆژى.
د. قادر محه‌مه‌د سالح تایبه‌تمه‌ندى نشته‌گه‌ریێن زارۆیان دیاركركو شاندى نوشدارێن ئیتالیى چه‌ندێن نشته‌گه‌ریێن زه‌حمه‌ت بۆ زارۆكان كرن هه‌موو ژى سه‌ركه‌ڤتیانه هاتنه ئه‌نجامدان، ل پاشه‌رۆژى سه‌نته‌ره‌كێ تایبه‌ت دێ هێته دروستكرن كو ئێكه‌مین سه‌نته‌ر بیت ل رۆژهه‌لاتا ناڤیێن ئه‌ڤ سه‌نته‌ر دێ دهۆك بیت یێ تایبه‌تمه‌ند بیت ب چاره‌سه‌ریا ئاریشین زكماكێ یێن ل سه‌روچاڤێن زارۆیان.
د. قادر گۆتژى ئه‌ڤ نه‌ساخێن هاتینه دیتن هه‌موو نه خه‌لكێ دهۆكێ نه ژ هه‌ر هزار زارۆیان دهێنه سه‌ر دونیایى ل دو زارۆك ژوان تووشى ڤان ئاریشه‌یێن زكماكى هاتبن پێدڤیه ئه‌ڤ زارۆكێن هێنه نشته‌گه‌رى كرن ژیێ وان نه‌گه‌هته ساله‌كێ وبۆ په‌حه‌نیا ده‌ڤێ ژى پشتى ساله‌كێ ژ نوكه دهێنه نشته‌گه‌رى كرن ئه‌و لیڤین وان ڤه‌كرى ب كیماسى پێدڤیه ژیى وان سى هه‌یڤان نه بۆریت.
ئه‌ڤ مالپه‌ره فرێکه
